[ابن وعيل]

بين خصرن حرام وبين صـدرن حـلال = ضاعت اطراف شوفى ..فى وصايف مره
جادل(ن)خصهـا الله بالكبر..والـجـلال = مـن نظـر فـى هدبها..يبتديـه سهـره
كنّها الشمس تشعى..والحواجـب هـلال = والخشم سيف قرم(ن)فى الحروب شهـره
والشعر ليـل غطـى راسيـات الجبـال = والنحـر راس وادى..مايعيـش شجـره
فيـه نفثـات سحر(ن)تمتـزج بالخيـال = فى وصوفن تجمع...فى النحـر وظهـره
والبطـن كنـه بيدا..تشتكـى للمـخـال = والنهود النصايب..فـى طـرف مقبـره
خصرهـا فيـه أمـه يعبـدون الجمـال = ضامر(ن)وابليـس دونه..يعتلـى منبـره
شايله ردفين..كنها من طعـوس الرمـال = وادمجين(ن)حداهـا لانثنـى ماصـبـره
لامشت ثـم تثنت..ثـم مشـت باعتـدال = كن صدرها يطالع..فى الخصـر يقهـره
وان تبسـم ثغرها..وارتكبهـا الخـبـال = قلت بـرق(ن) تـلالا مـن وراه سفـره
رمشها لف قلبـى مـن يميـن وشمـال = أخطتـه بندقى..وصـااادنـى معـبـره
الله أكبر علـى اللـى ممتلـى بالـدلال = كسـر اسـوار قلبى..والسيـاج طمـره
واعتزت بى ضلوعى فى عمام وخـوال = افـزع القلـب تكفى..فـى يديـه دمـره
كيف ابافزع؟وانا اللى ماقويـت العقـال = مثقلتـنـى ثيابى..والخـفـوق أســره
خابـر انـى ثقيلـن واقتـرب للمحـال = والنظر من شموخى..من يره(لـم يـره)
سلم ربـع لهـم وقـت الشدايـد مجـال = لاغدا الليـل ليل..وفـى النهـار غبـره
كيف تبرك بحملى فـى ذراهـا الجّمـال = كيف رجـال جابت..بالعيـون خبـره؟
ثم تذكـرت قصّـة مـن يشـل الثقـال = شيخ قومـن بفعله..مـن نسيـه ذكـره
يوم صـاح المصيح..واعلنـوا بالقتـال = (حامس العوجرى)راح الخبـل وعّقـره
موتتـه بيـد خبّل..وموتتـى والـزوال = جات مثله ولكن!!! مـن سبايـب مره