هذي قصيده اهداء للشيخ: سلطان بن سلمان بن حثلين..رجال كفو ومواقفه طيبه معي ومع الجميع..
يقول الفتى الشاعر من الهاجس الطربان=ليا دق هاجوسه وحيا وغناله
وانا الشاعر اللي يتعب الوزن والقيفان=ليا قيل صح السانه وصحت اقواله
اجيب القصيده كنها صادق الهتان=سحابٍ من اول وسمها ينثر خياله
اصخر قصيدي كل ماجيت في الميدان=وللنار شبابه وللخيل خياله
ولي من بنات الريح قباٍ بليا عنان=على ذكر اخو لجعه تغيا ومختاله
ليا سمعت طبول المعارك يجيها عنان=تهوز السيوف وضربه السيف قتاله
على مدح شيخٍ كل ماعدو الشيخان=تموت المراجل عند غيره وتحياله
تقلد وسام العز من شيخه العجمان=ولبسها على راسه مثل لبسه عقاله
تجيه المدايح كنها تحتضنه احضان=لانه كفو والكفو فال السعد فاله
تطيح القصايد عند سلطان بن سلمان=تقلط على بابه وتثنا وتهداله
سلام الوفا والطيب من صادق الوجدان=ولاهو يساق الا لشخصه ولامثاله
حفيد الكرم والجود ومعرب الجدان=توارث له الامجاد ومعنزٍ خاله
وسيع المعرفه حاتميٍ وسيع بطان=وعلى عالي الهامات وكره ومنزاله
تحوش الفخر يمناه من ماضي الازمان=وعلى الطيب والنوماس ماتقصر حباله
يكفيه فخر انه حدا مارثه راكان=مهيب الملوك اللي ليا قام تحناله
عقيدٍ سطع نجمه على خيره الفرسان=نهار الملاقا ماحدس شرب فنجاله
الى مر طاريه تذكرت ابو راكان=لانه حفيدٍ له ومن خيره عياله
سلاطين يامٍ تعتزيبه ورا نجران=توقف على بابه ليا كبرت القاله
على العز والنوماس والطيب ياسلطان=يابو موقفٍ ماكل شيخٍ بيحتاله
وانا لامدحته جاه شعري بلا عنوان=لو ان شرد القيفان ماتوفي اخصاله
لكن القصايد تعتزيبه وانا شفقان=على مدحه الطيب ليا عدت افعاله
وختام الكلام ازكى سلامٍ من الوجدان=على قوله القايل وللقول قواله