مرحبا باللي ذكرنـا وخـص ربعـي صلـب يـام
مرحبا وعـداد ماهلـت مـزون(ن) مستسيلـه..
مـن ذكرنـا مـا جهلنـا يبشـر بعـز ومقـام.
ومن جهلنا ما عرفنـا نفرسـه وسـط القبيلـه..
كل مـن عرقـه يمـده بيـن مذكـر أو هشـام
كاسب علـوم المراجـل وافـي بحـق الثقيلـه..
شكـري ياللـي تلومنـا بشيـن وتـذب الكـلام
إن اتت مذمتي من ناقـص(ن) هـذي جميلـه..
ربعي اللي مزرجين الريـش مـن ريـش النعـام
ينطح الفريس منهـم راعـي السـاق الطويلـه..
يزبن المجرم علينـا كـان هـو يبغـي السـلام
لاركوله ربعـي اللـي سلمهـم زبـن الدخيلـه.
ربعـي اللـي يلحقـون القـوم تسعـه بالتمـام
يومهـم تسعيـن فـارس دونوهـا بالفتيـلـه..
يـوم توخـذ إبلهـم والمـوت داهمهـم وحــام
فكو الملحا وجونـا فوقهـا كسـب(ن) وشيلـه..
لا نـوو بالشـر ربعـي حلفـي يتليـه الحـرام
ما يفكك يا خصيمي غيـر موتـه لـك بخيلـه..
الوريعـه شاهـده إلنـا أمتلـت عظـم وهشـام
هي قضا حمى لشيخ(ن) انعـوج عدلنـا ميلـه..
نجـزي السيـا بحسنـا ولعبـنـا دق العـظـام
إن كفـاه الـدق والا نطحنـه وإن بيـد جيلـه..
لاتحسب إني يـا ناصـر وافـي أبحـق الكـرام
هذا غيض(ن) من فياض(ن) بس قلت أذكر قليله..
وسلامتكم
__________________
صح لسانك يابن عمي وماعليك زود لبى كبدك وقلبك وعيونك وكلك