عثمان يا منعور لا حل طاريك=ثارت هواجيس الجريح المعنا
سلام مني يسري الليل ويجيك=يوم ان لك في داخل القلب مبنا
وش حيلة الي صار وسط الشرابيك=بين القلب الخضر راح وتعنا
أنا أدري ان همّك كبيرٍ ويكفيك =أستسمحِك بزودك شوي منّا
من شهر ديسمبر إلى اليوم ياخيك=تلفي همومٍ تجلي الزين عنّا
من أول .! يسوق الهدايا لمخابيك=واليوم .! لا حسه سِمع أو لفانا
لا تقول صيتك يالسنافي يكفيك=ودخلينا يفرح ليامن زبنا
وأنت الذي لا ضقت باجيك ناصيك=يالفارس الي من سيوفك تحنا
ولا تقول ربعك صيتهم ما يداويك=سلام مني يا حماة المجنا
الحب ما يعرف صمايل ولا شيك=ذوق .. وهداوة بال .! واسلوب يقنا
ليت الزمان الشين يعدل وأناديك=وتمشي السوالف مثل مانا تمنا
البحر .. والضلعان ..! والعاليه تيك=لو شالت همومي توادع وتفنا
منك العذر يا ان كان فالقاف تشكيك=جاتك على المسحوب والطرق غنّا