[عزوتي يام]

تراني شفت ظني خاب ومنـك تنصـدم الامـال = فؤادي ويـش آثامـه مـدام ان رغبتـك فرقـاه
غلاك اللي عهدته منـك يهـد جبـال بالزلـزال = بلحظه ابعد وشفتـه يسـارع بالبعـاد خطـاه
انا كنت اقفطفك بيدي اذا عـودك تثنـى ومـال = وانا كنت ارسمك شوفي وصرتي بالجفن مـرآه
انا اللي كنت اغني بك وفي حبك اجـر مـوال = وانا اللـي قـدم سنينـه وسلمهـا لك بيمنـاه
انا ذاك الذي قلبـه بنـى بـك رؤيـة الاجيـال = وانا ذاك الذي شعره لاجل حبـك ذهـب قفـاه
انا ذاك الـذي عينـه تمـازج صبحهـا بليـال = عيوني من اجل عينك تحـارب نومهـا وتجفـاه
شجـون ٍ قـد بنيتيهـا ولكنهـا بـدت تنـهـال = وروح ٍ كابدت لاجلك فداها اليـوم مـن يبغـاه
صحيح انك عشقتيني هويتيني وبـس مـا طـال = حلفتي لي على العشره وخفتـي بالفـراق ابـداه
ولكن ما طـرى انـك نويتـي عنـي الترحـال = بـلا ذنـب وبـلا زلـه تركتينـي ألـم مـع آه
شروق الارض ومغربها جنوب سهيل الين اشمال = عساها تغمرك فرحـه ودربـك بالهنـا ممشـاه
ابي اعرف اذا عينك من الفرقـا دمعهـا سـال = وابي اعرف اذا قلبـك تقطـع واللهب باقصـاه
واذا انك قد بكيتينـي وقلبـك سالـي الغربـال = الا يالله تحفظـهـا تهنيـهـا وســط دنـيـاه
يهون انـك تركتينـي ولا قلتـي حكـي ينقـال = ويهون انـك نسيتينـي ولا قلتـي ودادي انسـاه
اذا بعدي لك راحـة .. فإنـي راحـل ٌُُُ بالحـال = وارجو ان لا عوده وويلـي كيـف مـا اقسـاه
وارجو ان تزوريني حلوما تبهج ُ الاطفال = اذا ماليلة ٌ همت بهذا الحلم ِ ان ألقاه
بغيت العيد فـي قربـك ولكـن هالزمـن ميـال = طلبتك اسألـي ربـك يهونهـا علـى مـن تـاه [/poem][/QUOTE]

صح الله لسانك أخوي عبدالله
ولاهنت على هالقصيده الرائعه

تقبل تحيتي
أخوك عزوتي يام