هلا اخي اسم القصيده عام 2000
استلم
في عام الا2000 حال النـاس متدانـي =حتى الوزيـر يتهـرب مـن معاملتـه
لكن ميحـد لاغنـى بعـض الالحانـي =يهيض اللي همـوم الوقـت مشغلتـه
ياراكب اللي مهي مـن صنـع يابانـي =لكـن كـائـن رفـعـه الله بمنزلـتـه
صفراء من الخيل مخلوقه على شانـي =فيهـا مـن الوصـف شـي ماتخيلتـه
تلفت عليها النظـر فـي كـل ميدانـي =وراعيهـا بالنصـر والعـز شاملـتـه
مثل الهواء يوم يصفق خضر الاغصاني =عين الحسـود الخبيـث النـد كاحلتـه
علامة النصـر كنهـا روس الاذانـي =والعاتـق هنـاااك والغـارب مشهلتـه
وان رزت الذيـل كنـه راس ثعبانـي =مقبولـه وكـل عضـو فيـه قيبلـتـه
غراء وفيها زخـارف رسـم عثمانـي =مشكـل جسمـهـا كنـهـا مشكلـتـه
يـوم اتهـزع مابـلا بنـت نصرانـي =قميصهـا نـص والمنحـر مبطلـتـه
ركابهـا حبكـم مابـيـن ضلعـانـي =يزف شـوق عـروق القلـب ناهلتـه
والعصري ابن المهيني قاعـد اوزانـي =والشيـخ حمـدان قــدام وتأملـتـه
يوم ابغي الشعـر والجمهـور يبغانـي =جاملني الحـظ مـن طيبـه وجاملتـه
وانا محشش شعـر والفكـر سكرانـي =خلوني اقـوووول شـي مابعـد قلتـه
ياجعل عيني ماتبكي حد مـن اخوانـي =ويـلا بكونـي ماجـاب الله تقبلـتـه
لو ان طيبي ماهو مـن راس جدانـي =ماكـن كتفـي بمـالا طـاق حملـتـه
واللي علـى بـاب ديوانـه تناسانـي =شطبت اسمه مـن الهاتـف وكنسلتـه
مـادام حمـدان ابـن مكتـوم ذرانـي =حتى البعير العماني لـو هـدر كلتـه
هدهـد سبـاء يانبـي الله سليمـانـي =اشرف من الحـر الاشقرفيـد نابلتـه
الله يلعـن ابــوه وجــده الـدانـي =من ينكر ان هل دبـي شيوخهـا فلتـه
وان قالـو النـاس وش دراك درانـي =سمعـت شايـب يمجدهـم وسألـتـه
قال العرب فتـرة الحكـم البريطانـي =عاشت عصر كان ذل المـال مرحلتـه
والشيخ راشد مؤسسهم حسـب ثانـي =سمعت جدي يسولـف لـي وجادلتـه
له موقف ينحفـظ فـي كـل ديوانـي =يجبرك تقـراء لـه الكوثـر وبسملتـه
مضمونها كان عنـده عامـل اعمانـي =اجـره يادوبـه يكفـي بيـت عائلتـه
وجاء يستلم راتبه مـن كـف متغانـي =وضاعف له الكاتب الراتب من اعجلته
وتنبـه النـاس غفـلـه زاد لثمـانـي =غلطة قلم والقلـم مـن كـف مالكتـه
علم به الشبـخ بـس الشيـخ بطرانـي =ثقيـل والـمـده الجـزلـه مثقلـتـه
قال ايه ابا الحبر كـان انـه يتحدانـي =انا اكرم من الحبـر واللـي مسجلتـه
والشيخ حمدان يـوم الصـوت نادانـي =حتـى عقالـي مـن التقديـر ميلـتـه
بغيت اجي لـه لكنـه جانـي وجانـي =وجانـي وجانـي وقابلنـي وقابلـتـه
ماقال هـذا مواطـن دار ابـن ثانـي =بالعكـس قـام يتفنـن فـي معاملتـه
الاحجـز لـي وغدانـي وعشـانـي =وعلمني الطيـب وش جـده ومهزلتـه
وقبلت كتفـه مـن العـزه ووصانـي =الكتـف ماهـوب رمـز يـوم قبلتـه
وقارنت بينه وبين اللـي حقـر شانـي =ورفعت راسي مـن الضيقـه ونزلتـه
يلـي عيونـك مـن الكبـر اتعدانـي =انـا رفيـقـي لاهملـنـي ماهملـتـه
انا وفي والوفـا مـن طبـع لنسانـي =عليك الابداع مـن شعـري وفصلتـه
متفانـي فيـك وانتـه مانـت متفانـي =تبغي وفا كلب حلقـه وسـط سلسلتـه
واشرف من اني اتعب فيـك وجدانـي =بيـت فحمـدان اعجبـنـي وكملـتـه
لوان ماهو حديـت الشيـخ الاللبانـي =يهبـل عقـول الـرواه اللـي تناقلتـه
لبيك مـن قلبـي الملهـوف ولسانـي =مثـل العسـل يـوم تصفابـه منحلتـه
لـو انهـا بالعمـر قطعـت شريانـي =يفداك عمري يابو راشـد مـن اولتـه
وليا تساهـل قصيـد المـدح ففلانـي =والمـدح منـي فمثلـك ماتساهلـتـه
ابـوك الاول لكنـك مانـت بالثـانـي =لنك رقـم تتعـب الحاسـب معادلتـه
يااطهر من الغيم في مصيـاف لبنانـي =واعذب من الماء في دجله وفي دلتـه
اجيـك عانـي واعـود مانـي بعانـي =مراجلـك وادي العجـمـان داهلـتـه
ياهل جنيف ارسلو هرمـون حمدانـي =حتى الردي في ولـده تنحـل مشكلتـه
ويلقح الزوجه مـن المصـل مجانـي =وينام مرتـاح لاازعلهـا ولا ازعلتـه
وينافـس الاول مـن اعيالـه الثانـي =ويطلع على سيـدي حمـدان مرجلتـه
تحياتي لك