من نظرة الحاكم لويس وبطش هتلر باليهـود
واسرار ما سواه بوش الابن في ارض العـراق
تحركت في راسـي الملغـوم ارتـال وجنـود
قد لي موقفها على استعـداد قبـل الانطـلاق
يا هاجسي ما دامني ما زلت عايش بالوجـود
يبقى طموحي مطلبي وانا طموحـي لا يطـاق
أذا زمان المصلحه جمع لي اصحابـي حشـود
فأنا اعتذر وان قال وش تختار بختار الفـراق
غنيت ما هو من طرب او دقدقة طبلـه وعـود
غنيت من ضيقة رجل على سعيـر الانحـراق
اغيب لحظه من زمن واستوعب الموقف واعود
ادور السجـه واجنـب عـن دروب الانـزلاق
انا وصلت لمرحلة مظلوم مـا عنـده شهـود
واكبر فخر ما زلت اكافح كل ما ضاق النطـاق
قانون عصر العولمه فارض على غيري قيـود
يعني لخاطر رغبته يمشـون حسـب الاتفـاق
يا مسأله تحتاج منـي حـل والحبـل معقـود
انا ترى قد الثقـه مـا يـوم حبيـت النفـاق
لو كل خلق الله سوا ما كان به صدق وجحـود
ولا كان به رجال مستانس ولا رجـال ضـاق
يا صاحبي والبيض يبقن بيض والا السود سود
والعاقل اللي يفتهم من غلطتـه بعـد الطـراق
أذا التصاقك بلتصاقي مـا جنينـا منـه فـود
قلي لماذا نستمر افصـل نظـام الالتصـاق ؟
ارسلتلك بعض الرسايل ما وصـل منـك ردود
ابي خبر مير العلاقه ما حصـل فيهـا وفـاق
الى هنا انهي معك رحلـه حزينـه بالصـدود
مير استميحك عذر قبـل اروح ودي بالعنـاق
الليل والذكرى وقلبن مات مع مـوت الـورود
والهم لامنه لفى يلحق علـى نفسـي لحـاق
اسف على ما صار واسمحلي تعديـت الحـدود
الليل يجلي ظلمته صبـح الامـل بالانشـراق
وســــــــــلامــــــــــتـــــــــــكـــــــــــم
اخوي العزيز ... جراح...
ابصراحه شهادتي فيك مجروحه
لانك شاعر جزل
وانا معجب في فلسفتك الشاعريه
وصح السانك مليوون
ولاهنت علي الوافيه ,,,
وتقبل مني اجمل التحيه