[! الخالدي !]

حياج الله يا أختي وسعدنا مرورج

المشاركة الأصلية كتبت بواسطة صدى الذكرى

بصراحه الكل صار يسب الحكومه و الأحترام انعدم بين السلطتين
.

قولي خيرا بارك الله فيج مـــــحـــــــــــد ســــب الـــحــــكــــومـــــــه

وأتحدى أي أحد يجيب تصريح أو فيديو مرشح سب الحكومه !!!

فيه أنتقادات لها بشخص الحكومه ممثله ببعض الوزارات

شوفي القسائم اللي توزعت بعد الاستقاله
والمناقصات
وقانون الاقتصاد كم كان قبل الاستقاله ؟؟ وكم كان عقبها ؟
ماتتابعين الساحه أخاف أكتب ويتلوني أكتفي بهالقدر

والل ينصر الكويت و حاكمنا الشيخ/ صباح الأحمد و يطول بعمره و خليلنا ال الصباح اللي والله ما تلقون بمثلهم بالعالم.

هالشي كلنا معاج فيه
والشيخ صباح أبونا قبل لا يكون حاكمنا ولا نوافق حتى بالتطرق بالكلام عنه
وأي مرشح بتطرق لهالشي بيحصل موقف الشعب واحد بوجهه
وماراح نسمحله أنه يمثلنا بالمجلس
الا صاحب السمو خط أحمر محد يجيه

و النائب السابق برميه تطاول على نائب رئيس مجلس الوزاره و وزير الدفاع: الشيخ جابر المبارك

على هونج أشوف حكمتي عليه قبل القضاء العادل !!!!!!

الحمد لله والمنه عندنا حريه بالكويت الكل يحسدنتا عليها

وماهكذا تورد الابل علج تحيين

أبو رميه لاهو أخوي ولا ولد عمي بس لا ننسى أن مجموع أصوات ناخبينه على مستوى الكويت كان ترتيبه الثامن أعتقد يعني عنده مواطنين وناخبين وصلوه برقم مو بسيط

هو أنتقد والانتقاد كان لشخص معالي وزير الدفاع مع تحفظنا عن بعض ماقيل عن الوزير المستقيل كأنتقاد سابق ومعلومات أدلو بها الاعضاء
وحق التقاضي مكفول كان بأمكان الوزير المستقيل اقامة دعوى مو سحبه بهالطريقه عشان رأي !!!! <<<<< فهمتي القصد منها بارك الله فيج

و هذا ما يجوز لأنه ما غلط بأي شي . و اللي صار قلت ادب ، و هذا عبره لكل من يتلفظ بسوء العبارات

هذا نائب فاضل ولا هو بقليل أدب على الاقل أحتراما لناخبينه اللي يردونه للمجلس مرتين ورى بعض

وماهو سوى أنتقاد نفس ما أنتقد الاخ الفاضل خالد الطاحوس وغيره

فنحن في بلد حريات وليس دوله بوليسيه

أرجعي لدستور الدوله وشوفي كل شي فيه

على المتضرر اللجوء للقضاء ويا أختي الامور تصير غصب من وراء خشومنا

هذي حكومه وهذول مرشحين وحنا ماعندنا غير الدعاء بأن الله يحفظ الكويت

ولا تنسين لوى هالاصوات لكأن أنتي الحين تدفعين ضمان صحي ونقص راتبج مازاد

عامتا أحترم رأيج وانا تحفظي على بعض الكلمات اللي مانرضاها على اي مرشح كويتي مهما كانت قبيلته او مذهبه طالما انه يمثل فئه منا



وبالاخر قضائنا عادل وقضائنا مشهودله بالنزاهه

أن أستحق أبو رميه العقاب سناله
وأن تبرء يحق له مطالبه برد الاعتبار