[حاضرة الوشم]

	بسم الله الرحمن الرحيم السلام عليكم ورحمة الله وبركاته أناعارفه أول ماتشوفون العنوان راح تجووون طيران ولا مهوب انتن وبس حتى الشباب مايحبون الخبر ابد المهم ماطول عليكم .. اجتماعنا هالمره حلو ولا يضيق الصدر ولا فيه قوانين أو أوامر تفرض لأننا مقبلين على إجازه .. المهم اسمعن مشكلتي ما أعرف أقعد في مكان محيوس كل مادخلت هالمجلس .. أطلع بسرعة ... يضيق الصدر .. قلت .. بس ما فيه الا اني أرتبه وأسنعه .. عاد الله لايوريكم وش هالحوسة ..والغبار .. كل مركى في قرنة .. القراطيس ملي الأرض .. قراطيس بساكيت وقواطي ببسي وميرندا وبواقي بيتزا ( أكيد عقب بائعة الورد - بنت نجد ) شلت كل القرابيع والقراطيس وعلى الزبالة على طول ... مسحت الغبار من على الجدران والطاولة واللمبات ... وكنست المجلس كله حتى الجلسة شلتها وكنست اللي تحتها ( ايه هماه حتسي ) فتحت الدرايش عشان التهوية وجبت المدخنة وحطيت كسرة عود ياسلااااااااااااام على ريحته تهبل وكل هذا عشان نجتمع ... ترى من زمان عن هالمجلس ... أنا جبت زمازم الشاهي والقهوة ... والفصفص يلة تعالوا نوسع الصدر ... ونسولف ونتبادل الخبرات والأخبار ... كوكتيل يعني أول شيء أبي أسأل من منكم دخلت السوق مؤخرا ... تكفون ما شفتوا فساتين سهره زينه .. اللي عندها علم تفتي والله يجزاها خير وأنتم عاد خذوا راحتكم اللي عندكم انشدوا عنه ... ترى ما هنا أحد غريب يالله السلام تحياتي