السلاام عليكم قصيده قديمه ولو مره انشرها واتمنى انها تعجبكم
عزاه صرنا اليوم ياشوق اغراب=من عقب ماكنا قوبٍ حبايب
صار الحكي من بينا مثل لجناب=مثل الحكي مابين بزرٍ وشايب
شاب الزمان الي له اسنين ماشاب=وقلب العنى مركوز فوقه نصايب
وتبدلت لوضاع والقلب مرتاب=وليا بغيت اسلا تجيني مصايب
كني السجين الي عن السجن ماتاب=وده بسجنه لو حياته عجايب
ولا يتيمٍ راحت امه ورى اتراب=وبيه سارح في حياته وغايب
ياغايبه وذكرش عن البال ماغاب=تبطين ماصارت بيوتش خرايب