اهديها لكم..........
يحقلك تامر على قلب مغليك=وغصبٍ عليه إقول سمعٍ وطاعه
ياللي حياتي كلها بين أياديك=ماغير في حبك رفضت القناعه
آمر تدلل وش تبي مني وعطيك؟؟=كل الحواس اليوم لجلك بضاعه
أبيعها يا سيد البيض وشريك=وسوقها ياسيدي للقلاعه
عجزت الاقي فالبشر من يجاريك=شريت فيك الوصل وبعت القطاعه
أسهر وليلي مايبي غير طاريك=وأصبح ولك في وسط عيني وداعه
مجنون في حبك إذا قلت وش فيك؟؟=هذا جنوني رافعٍ لك شراعه
وعاقل إذا شفتك تبيني أراضيك=يوم انت خابر بالغلا وإندفاعه
حبك بقلبي مثل حكم المماليك=اللي خذوها بالفكر والشجاعه
يعنك لو جيتك بيومٍ أخطيك=خليتني المخطي بفن وبراعه
أبختصر دام الحكي ما يسليك=وبشرح ظروف الهوا وإنطباعه
ياصاحبي خليتني من تغليك=ضايع ما بين أهل الزعل والشفاعه
بيتٍ بقوله وحفظه يامحاكيك=تكفا تراني منك شفت المجاعه
عمرك خبرت الحب في يوم يبكيك؟؟=هذا انا...أبكيك في كل ساعه!!