[البندري القحطاني]

المشاركة الأصلية كتبت بواسطة عامر الهاجـري

يا مرحبا يالبندري ..

يامرحبا ألـف ..

أول مره أشوف هالموضوع وشدني إسمج ..



شالأخبار ؟؟

يسرك الحال ..

س / لا ضاقت البندري .. منو أول شخص تدوره أو بالمعنى الأصح .. تحتاجه ..؟

شوف .. ضيقة عن ضيقة تفـرق يعني مرات يضيق خلقك .. بدون شي

استغفرالله من الله جذي .. هذي ما اروح إلا لدفتري وبس

ومرات لأ .. يـضيق الخاطر لأسباب واكيد كبيرة

مالي إلا بعـد الله سبحانه .. أمـي الله لايخليني منها ولا يخليها مني << واثقة

س / كم باقي على التخرج ؟ ووين ناوية تكملين .. في أي دولة طبعاً ..؟

حــديد(ن) سهل حذفة حصى واتخرج

امــمـم حاطة بـبالي UK .. أو USA وحـدة منهم ولين الحين هو طموح

والله يقدرني علية ..

س / تخيلي ان الكويت كلها تسمع البندري بهالوقت .. شنو بتقولين ..؟

حطوا الله بين عيونكم .. بس

س / أي نادي تشجع البندري .. النوادي المحليه طبعاً ..؟ أتمنى يكون القادسيه عشان ابارك لها على الكاس ..

لاأ ماراح تبارك كويتاوية

س/ لابد ما نمر في مواقف محرجه .. مضحكه .. شنو الموقف الي حصل للبندري وتمنت ان الأرض انشقت وبلعتها قبل لا يحصل الموقف ؟

والله مواقفي واجد ؟! كله لاني عفــوية لأبعد الحدود .. وهذا غلط فيني ؟!

المهم ..

الموقف ياطويل العمر .. مرهـ بـالكلية كنت اصور مذكرة حق مادة من المواد

ويمي رفيجتي

ولا تسألني بنت

البنت : لوسمحتي إنتي ماخذهـ المادة عند الدكتور ....

أنا : اي .. أمري

البنت : لا بس بغيت أسأل اشلون الدكتور و تعامله يعني و شرحه

أنا : طبيت بالدكتور (( لا تآآخذين عنده .. والله ماتفهمين و بس يهآآيط .. وسخيف

وضحكة واجد على ولاشي .. وغصب طيحي الميانه )) << هذا الي قلته

لاحظت البنت وجهها تغير ورفيجتي تضيع الصقله ترقع الموضوع ..

وتسلم على البنت واشلونكم وشخباركم والبنت ترد عادي بس مندقرة يعني

ورفيجتي عيونها طبت فيني من خزها هههه

لما راحت البنت جان تقولي رفيجي حسبي الله عليج مابقى شي ماقلتيه

في أخوها

<< طلع الدكتور أخو البنت

أنا افتشلت .. بس طاف يعني

س / أي نوع من أنواع الشعر يشد البندري ..؟

أحب الفخر .. وأحب الغزل العفيف
وسلامتكم .. أول مره أتبع وأكتب أسإله من نبع أفكاري ..

حياك الله .. خوش أسئلة