عرض مشاركة واحدة
  #1  
قديم 16-11-2007, 10:56 AM
الصورة الرمزية راكان اليامي
راكان اليامي راكان اليامي غير متصل
إداري مؤسس
 
تاريخ التسجيل: Jan 2005
المشاركات: 9,542
معدل تقييم المستوى: 29
راكان اليامي is on a distinguished road
بعض القصائد لشعراء ال مهذل خاصه والصقوريام عامه

الاخوه الاعزاء حبيت ان اخص هذا الموضوع بشعراء قبيله ينبع منها الشعر من عصور اجدادهم ولا يخفى عليكم وهي قبيلة الصقور وبالذات ال مهذل الذين يلعبون في القوافي والبحور واليكم هذه القصائد وليعذرني بعض الاخوان عن عدم معرفتي لمن هي بعض القصائد من ال مهذل وارجو منكم المساعد




طالبك بارق ليلة يزرع الحيا== على الوديعة خرب السيل جالها
تلاحت بروقه من جنوب انخاليه== يرعد وينثر بارد الما خيالها
وسمية كن سيلها يوم دبرت== مجافر حياض عقب ماراح مابها
وعلى المنخلي يوم صدوق مخايله== بلاد لاجاها الحيا ينعنى لها
لاجاتها البل بين هزلا وضالع== تسمن حطاماها وتسمن هزالها
اثاري حنشلية مجازيع بيضها == لما فقش البيض المفرخ ريالها
يسقي لنا ماحدت حراضات مشرق== وماعيلت مرخة وتملت هجالها
ومارفعت عيوة الى سد مارب== وماحدت حمى ثم ينحدر في رمالها
بلاد لنا ماهي بدار لغيرنا== من لامنا يلتام في حبنا لها
قزاز من الرمضاء دماث من الحفا== مطوية بالنور حتى جبالها
وفي القيض فيها قلتة قرقفية== وان جا الشتا فيها الذرى بادحالها
خله وياغادي على اكوار ضمر== نوابيل فدغ الروس تومي سبالها
لما اقرع المشعاب في الشن هوذلت== هذول ربدا مخطيات ريالها
ومن عقب عشر لك بالاجواد ممسى== دواوير يام قرب الله حلالها
هل الطيب والترحيب والعز والثنا== واهل صحون عجلة في مشالها
سلم عليهم عد مالنود ريحت== ذواري سهيل خفها واعتجالها
وهم مثل صفاق البحر في قليبه== وحنا جلاب موردتها حبالها
وهم مثل ليل غطى الارض بالدجى== وحن مثل شمس يوم يوضي اشتعالها
يام كما العارض ونجد ومادفر== الى الصبح شل من الرواسي جبالها
ولايشعب الحراب لاعناه بالحكا== لاعاد ماليمنى تقارب شمالها
تمت وصلى الله على سيد الملا== اعداد ماهل المطر من خيالها

---------------


لبـارحـه ممـسـيـت والـنــااس ممـسـيـن-= رااعي الهواا مسكين ما يمتسي له
يــا يــاام ياربـعـي عـلـى العـسـر والـلـيـن= ياللـي مواقفكـم مـوقـف نبيـلـه
يـا لابـتـي قلـبـي خــذوه المزايـيـن -= درب الهـواا راح ابـن سالـم قتيلـه
مــرو عـلـي فــي شــارع الـحـب ثنتـيـن = اوصافهـم بيـن الخلاااايـق قليـلـه
عـلـى الرصـيـف بزحـمـة الـنـااس مـاشـيـن= بسبابهـم قلبـي تزاااايـد غليـلـه
الاولــه.. فيـهـا جـمـع ربـــي الـزيــن= مركوزة النهدين بيضاااااجميله
ملبـوسـهـا مـــن غـالـيـاات الفسـاااتـيـن= ومن الذهـب شالـة حمـول ثقيلـه
والــورك متـعـدي عـلـى الـفـخـذ شـبـريـن--= وان هـزتـه يهـتـز قلـبـي بديـلـه
والثانـيـه .. سـمـراا عــذاب المحـبـيـن --=من شافها بينسااا مـن اللـي يشيلـه
فــي عينـهـا اليمـنـا حـــرااب وسكـاكـيـن--=وفي عينها اليسـراا سيـوف صقيلـه
قـالـت خويـتـهـا ذبـحـنـااه مسـكـيـن -= وان كـاان خلينـااه ياعـزتـي لــه
تلفـتـو يـمـي وقـالـو عـلـى ويـــن ---=ورااك تتبعنا وعينـك طووووويلـه
ان كـــاان عـنــدك للـتـعـرف قـوانـيــن -=وقلبك نضيف ومـا نـوا لـه بحيلـه
يالله نبـيـك اتـقـول هــو مـوتــرك ويـــن--= عطنـا تواصيفـه وعطنـاااااا مديلـه
قـلـت اعـذروونـي مـوتـري قـبـل يـومـيـن--= بعتـه ولا فكـرت فـي حااجتـي لـه
لاشــك نـااخـذ تـكـس ونـــروح هالـحـيـن--= وايت مكـاان ترقبوونـه نجـي لـه
قـالــو فـمــاان الله نـلـقـااك بـعـديــن --= حكاايـة التكسـي علينـااا فشيـلـه
ودور بتلـقـااا وحـــدت ن طبـعـهـاا شـيــن --=مـن هـرج العـذااال ماهـي ذليـلـه

====
مهذل بن مهدي الصقور فقد قالها في مدينة الظهران وقال فيها :


ياهل الهوى عيني جفت لذة النوم=تشتكي وتبكي والسبب حب خلي
مهما شكيت من الجفا ماعلي لوم=كيف اهتني وصويحبي ما حصلي
يازين مهما صار انا فيك ملزوم=انا الذي في حبكم رحت كلي
محروم منك وانت بالمثل محروم=بس اشتحن لك مثل ما تشتحن لي
اسباب فرقانا زمنا لها القوم=ماسبب الفرقا عناد وتغلي
انا ادري انك يا اريش العين مظلوم=واكبر دليل دموعك الي تهلي
وانا بعد مظلوم لاشك مقسوم=صار الشقا مكتوب ومقدر لي
اقسم يمين اني على طول مهموم=ماشفت في الظهران شئ يسلي
اردد التفكير بين امس واليوم=وابكي واسامر كل نجم مطلي
واجامل الجلاس والسر مكتوم=وارجي عسى ايام المفارق تولي
في خاطري لك شوق واخبار وعلوم=لكم محلك نازح عن محلي
صوتك يعانق مسمعي دايم الدوم=وملازمتني صورتك مثل ضلي
يا روح روحي مانسيتك ولايوم=محبتك مثل الهوى ما تملي
سر الهوى غامض ولاهو بمفهوم=لكن رموزه بالصراحه تحلي
للحب في قلبي مفاهيم وسلوم=والعين لولا نظرته ما تدلي
عقب ابتعادي صار في جوي غيوم=ايش العمل يا ناعم العود قلي
احذر ترى الي في الهوى يقبل اللوم=في جنة العشاق ما يستظلي
ان مت في حبك شهيد ومرحوم=وان عشت ماغيرك من الناس خلي
وافهم تراني عايف لذة النوم=كيف اهتني وصويحبي ما حصلي
========

هذه قصيده للشاعر الكبير : محمد بن السكران الصقور وهو الشقيق الاكبر للشاعر الكبير علي بن السكران الموجود هي منتدى العان

وهذه القصيده تعبر عن نفسها واحببت ان اوردها في المنتدى وهي بعنوان


الجامبو

بـسم مـن سهل لنا كل الصعاب=وسهل اللي في السما تهذب هذيب
فـوق متن الجامبو والكيف طاب=زال هـمي وابـتدا جرحي يطيب
أقـلعت ثـم اعتلت فوق السحاب=والـبعيد اصـبح بعون الله قريب
أقـلعت من مصر في رحلة أياب=مـحركاته روز والـكبتن نـجيب
مـاحلا الـمنكاف من بعد الغياب=اشـهد ان افـراق ديرتنا صعيب
عـفت ذيـك الـدار يامال الذهاب=كـل مـخلوق ٍ بـداره يستطيب
لـو تـوفر كـل شـي ٍ يستطاب=لـلاراده بـالهوى مـا نستجيب
مـانبا الـبدله تـعودنا الـثياب=حـافظين انـفوسنا من كل غيب
مـا تـأثرنا بـزيف ولا سـراب=قـدر الامـكان انـتجنب ما يريب
والـنسيم الـلي مـحمل بالتراب=مـوصدين ٍ دونـه الباب القطيب
اتـرك الـلي فـر من باب ٍ لباب=يـتركه مـن كان له عقل ٍ لبيب
الـظما عـندي ولا بعض الشراب=كـدر الماء طين من كثر الزعيب
صنت نفسي عنه ما دونه حجاب=ردنـي عن قربه احساس الغريب
طـيف مـخلوق ٍ دعاني للصواب=دلـني طيفه على الراي المصيب
كـلما قـلّبت صـفحات الـكتاب=قـمت افكر فيه في صمت ٍ رهيب
ويـتصور لـي وفي عينه عتاب=كـم تـعاتبني ونـا منها صويب
مـثل اصـابة حضرميه للنصاب=كـونها فـي الجسم تأثيره غريب
عـالجه مـبسم كما فضم الجعاب=ابـيض ٍ نـاصع مـسكن للهيب
كيف منه الجرح وعلاج المصاب=صـار مـنه الدا وهو نعم الطبيب
حـين بـادلني بمعسول الجواب=كـنه مـن الابكار يسقيني حليب
اسـتتب الـنور وانزاح الضباب=وزال عنه الخوف من عين الرقيب
واشـرقت غـرة ثـناياه العْذاب=واسـتدار البدر في الكون الرحيب
وان تـحرك في رشاقه وانسياب=الـنسيم يـميل بالغصن الرطيب
داعـب الـغيره بـغضات الشباب=عـبروا بالصمت في منظر كئيب
يـنكشف زيف التمكيج والخضاب=مـعدن الـتقليد يـكشفه المذيب
والأصيل مـنزه ٍ عـما يـعاب=فـرق مـا بين المشبهن والعريب
يـاجليل الـملك يـا جزل الثواب=قـرب الـغايب لـداره والـحبيب
جـعل يـسقا يـوم نلقاهم طياب=فـي ربـا نـجران منبع كل طيب
من سهول ومن جبال ومن هضاب=حـالف انـهاعن خيالي ما تغيب
شـاقني شـيبان ربعي والشباب=وشـاقني ريم ٍ سكن ذاك الشعيب
كـم صبرت وكم تجرعت العذاب=والـفرج جـا يالله يللي ما تخيب
ون بدا نجم السعد والنحس غاب=سـاعد المظمي على ورد القليب
شـربة ٍ تبرد هجا القلب المصاب=بـامر ربـي كان باقي لي نصيب
وان تـعّذر مـا على ربي حساب=حـن بـتدبيره وهو نعم الحسيب

يتبع


مهـذل الصقور ( من سجنه في تبوك )


سقى الله عهدكم ياهل الحزم ياهلي= وعل السحاب اعظامكم لين تروابه
يامل عينٍ بازرق الدمع تمتلي= وياهب جوفٍ فيه الانواد هبابه
يذكرني سهيل اليماني بمدهلي=جنوب الجزيره مدهلٍ مالي إلابه
ندي مكسر الفيه اقصير رشا الدلي=ولا ذكر ماه تحنب عروق زعابه
خدين القمر والشمس ومحمد وعلي=ومرب العشاير والجوازي اتلوابه
عسى بارقٍ ويلوح ياعين خيلي=اخبر الغريب تحن للبارق اركابه
متى علمنا بالسيل والعثعث الخلي= وممسى بطاحينٍ قديمٍ عهدنا به
ألا ياسحابه باعذب القطر هملي=وجودي على وادٍ كحل عيني ترابه
تمثنيه أعصير واحدري فيه واقبلي= واملي هجاله ودرجي سيل محنابه
توطي قدر ماتستطيعين وأنزلي =تسوقش هبوب غويج وتردش اهضابه
هو السيف بالياقوت والفضه امحلي= وهو الرمح كم بندر ملوكٍ شظى بابه
ودنياي وآخرتي وحصني ومعقلي= وأبي اللي لما اني ضقت صوت له يابه
احبه اعداد انفاسي اللي تعد لي= من العمر لحظاته وتستوفي احسابه
=============
قصيدة المرحوم الشاعر / محمد بن مهدي بن ظافر آل مهذل الصقور

يالله ياللي زين العرش بنجوم=يا جيد ٍ يعطي العطايا الكريمه
بدّل ظلام الليل بشراقة اليوم=و اكثر علينا من هبايب نسيمه
انا ان تكدر خاطري ما علي لوم=بأسباب دنيا عاقبتها وخيمه
ان صحت محد ٍ عن صياحي بملزوم=و الصمت من طبع الرجال الفهيمه
يا ما صبرت و قلت ما صار مقسوم=و لا دريت ان علتي مستديمه
و جاني زمان ٍ عارض الكبد بسهوم=و اخلف طريق الراحله و المقيمه
كدّر صفاي و بدل العلم بعلوم=و ابعد جميع الناس عن كل شيمه
اليوم صار اقرب قريب ٍ لنا قوم=زل القدا و اعدى القلوب السليمه
راحوا العدى منه معافين و سلوم=و حط ابن عمه في العداوه غريمه
يا ظالم ٍ نفسه و انا منه مظلوم=لا هوب لي خصم ٍ و لاني خصيمه
الناس للطيب معادين و خصوم=و يطاردونه بالردى و النميمه
الشر ما يخطيه و الخير معدوم=و الصدق قد هو في نظرهم جريمه
أغلى المعادن راخصه ما لها سوم=و المعدن التقليد يشرى بقيمه
و اللي له الكلمه من الراي محروم=و اهل التجارب تستشير البهيمه
و الطاير القرناس يلعب به البوم=كسر جناحه و اعترف بالهزيمه
عاف الرجوم و بدل الوكر بحزوم=ما عاد تنفع قوته و العزيمه
عقب التحكم عود اليوم محكوم=طعنات قلبه ثابته في صميمه
=============

العيون السود (مهذل الصقور)

لعيون السود والخدين والكف المحنى===لوعت قلبي معك والعلم مايخفاك
زين ورموشك جيوشك واقفه دون المجنى===كن صبي العين متجني سكن بحماك
ليت ياخلي ضعونك مايفارقها ضعنى===لجل عيني ياوليفي دايم(ن) ترعاك
سعدعود اراك من عسل ريقك تهنى===انت عود اراك ذا ماهو بعود اراك
كن ثناياك البرد لي طاح منا وانتبنى===والعسل في مبسمك سبحان من سواك
ماحلى عودك رهيف ومن ثقل ردفك تعنى===سر على هونك وباسايرمسيراخطاك
أشعر غطى ردوفك من على كتفك تدنى=جنسك اطهر من البشر دام الحرير كساك
طير ياخفاق يلي في مغيب الشمس غنى==من طرب ولا من اهمومك تجر غناك
ردد الحونك على هونك وانا قد بأتمنى==ليت لي جنحات واني في سماك القاك
ياعشيري ليت ماكانت محبتنى وكنى==ليت قلبي لا تولع بك ولا هواك
ابعد من الشمس عنا وانت معنا في وطنى==ياثقيل النفس عاد القلب في رجواك
عانت الدنيا علينا يوم حبينا وهنى==ليتني يازين مثلك لهوا تراك
سايقين الله عليك أرفقبنا هجرك غبنى==ياهني الي ضمن في ديرتك مضواك
كان قلبك طايب منا ومن عينك نزلنى==والله ان قلوبنا و عيونا ترعاك
لاقطعنا الياس من وصلك ولاوصلك شملنى==أقتنعت من الصداقه والغرور أعماك
حدنا الله للقراده والزمان الي خذلنى===لسقى ربي زمانك يوم حبيناك

==========


حرف النداء ،،، للشاعر سعيد بن مهدي آل مهذل الصقور


ارفعي معنويــاتـــي بشـــي ٍ يفــــيد=اكسري الصمت حاكيني بكل الحـروف
أسمعيني صدى حرف الندا يا سعــــيد=رددي اسمي كثر ما ردد اسمك ألوف
اجهـري بالتحـيـّه كل صدفـه و عـــيد=مـا يكـفـــّـي سلامـك بالقلم و الكفوف
كلمينــي علـى الهـاتف و لو من بعــيد=و اسمحي بالزياره بس ابا اشوف شوف
و الحواجــز تخطيـها و اذيبي الجلــيد=ما وقف في طريق الحب حاجز و خوف
راعي الحب ما يذعن لشــرط ٍ و قــــيد=بس انا اذعنت لمرك يا عديم الوصــوف
أنتي الموت أنتي أقرب لحبل الـــــوريد=يمكن الموت أرحم لي و لا حب نـــوف
للأســـف ناعمـه لكـنّ قلبـــك حـــديد=لــيـّــنه و انتي أقـسى من جميع الظـروف
رقـّـة إحساس موهوبه لشخص ٍ عنـــيد=مقمرا ت الليـالـي مـا خلت مالكســـوف

=========

اشلون أقضـّـي ما بقى من حيـاتي=و أصبر إذا مستقبلي مثل ماضـيه
إن كان هـذي عيشتـي لي ممـاتي=وش ينبغا بالعمر و الاّ ايش حاضيه
اذا رجعـت لدفتـر مذكراتي=آجر ونـّـه و أكسر الطرف و أغضيه

و لم نعثر على باقيها ،،،
للشيخ الشاعر / سعيد بن مهدي آل مهذل الصقور

=================

مهذل بن مهدي آل مهذل الصقور

ياذيب ياعاوي في عالي هضابه =منك العوى نوحيه في مرقبك فوق
اقنـب ومن حولك جيـاع الذيـابه =بيّتـني درك عسـى جنبـك العـوق
بيّت من هاجوس قلبـه غـدا به =سمٍّ على قلبه من العام مسحوق
تنعـاف دنــيـاً تاليـتها خــرابه =طـرادها من طـارد المـوت ملـحوق
فبها الردي يحصل على مانوى به =ويغبـن بـها نـاسٍ وفيـين وصـدوق
المـال ينفع صاحـبه لاإحتما به =وله مركـزه بين الرجاجيل مرموق
واللي فقــيرٍ يبغـضونه قرابـه =في حاجته ماله من الناس مخلوق
والطيب اللي ما يصفي حسابه =يصبـر على مـرّ العذابيـن ويـذوق
والوادي اللي كل حيٍ رعى به =الحـرّ ماله في مراعـيـّه احقـوق
والعزّ من يهوى طريقه مشى به =والنـّاس كـلاً لـه هوايات وطروق
والصّقـر مخـلابه يرد الغـوى به =والبوم لا يصفق ولاهو بمصفوق
والصدق نورٍفي الدجى ينسرا به =والكذب غدراًمالها شمس وشروق
واللي يحسب حساب هرجٍ حكا به =هرج القفـا ما يلحقه منه منطوق
والشيخ تعرف حكمته من جوابه =والشّـور مايختص به كل مطفـوق
ومن جا على الذاري تحرّق ثيابه =ومن عارض المقفي تجي كبده حروق
وشيـخٍ بـلا ربـعٍ وعـزوه ولابـه =مثل الفـواد اللي بلا دم و عـروق
والنـذل لا يغزي ولا ينغزى به =وبين العرب تلقى علامات وفروق
أحـدٍ إلا غـاب إفتقـدنا غيـابه =وأحدٍ يغيب وما نخصه بمشفوق
ما يستوي غيم شحيح سحابه =وغيمٍ مخاييـله برعّـاد وبـروق
اللي يذوق الضيم مرٍّ شرابه =لابد ما يصفى له الكاس ويذوق
قلته عن أصحاب العقل بالنيابه =كلام قلته يفهمه وافي الذوق
حمامي اللي جرّ صوت اللعابه =اهتزت شجون بن مهذل من الشوق
ذكرتني صورت ضبي العدابه =ما لي سواه من المزايين معشوق
في سوق حب اللي حكمت الرجابه =أغليت سوقه لين عجزوا هل السوق
ياأعزّ وأغلى من هلي والقرابه =ياللي على نفسي مأمن وموثوق
لو قلت سق روحك لموتك جلابه =لاسوقها واسوق معها العرب سوق

=============

المرحــوم/ محمد بن مهـدي بن مهذل الصقــور..((مانب بمن يبدي على الناس الأســرار))

اصبر على العوجاء من ادنى ربوعي=وعلى خطا الاجناب ماني بصبـار
واسرار عمري بين حدب الضلوعي=ماني بمن يبدي على الناس الاسرار
راحت معاليق الضمايـر مزوعـي=وزهقت من دنياي عقب الذي صـار
الله يهيـن مفرقـيـن الجمـوعـي=ويرمي حبايلهم بعيـد عـن الـدار
لا بـد ماياتـون الانـذال طوعـي=وجرف الهيار انهبت النـود ينهـار
الحـر مايخفـاه درب السنـوعـي=والعز مايخفى عزيزيـن الاشـوار
واهل الوفا والطيب مثل الدروعـي=شيالهـا يـوم المظاهيـر جـسـار
من خوه الرديـان قلبـي جزوعـي=يالله تقـوم حظنـا يـوم نخـتـار
لا بارك الله في الرفيـق القطوعـي=اللي يجافي صاحبـه مالـه اعـذار
والله مانـرجـي وراه الفـزوعـي=حنـا رسينـا للثقيلـه وهــو ذار
وان كان قلبه من ربوعـه قنوعـي=فما عاد للمقفيـن حشمـه ومقـدار
ومن كان في الدنيا كثير الطموعـي=فللمـال وراث وللقـبـر حـفـار
ودرب الخطا يعفيك عنه الرجوعـي=والموت لي صار الخطا منك تكرار
ومايستوي ليـل سـواده يروعـي=وليل غدى ضوح القمر فيه سمـار
ياويل من ضله هشيـم الزروعـي=ما من ضلال الا مواريث الاحـرار
ومانلتفـت لمغيريـن الطبـوعـي=والنـاس يختلفـون وافـي وغـدار




===========
((سكران))سكران في حبه ولاني بسكران=بس الهوى خلاني اسكر بلا كاس
مشيت في دنيا الامل دون عنوان=يوم الامل غاب وتركني مع الياس
تمشي مراكب رحلتي دون ربان=وغرقت في بحره ولاني بغطاس
امشي بدرب الخوف تايه وهيمان=هايم ونفسي تشتكي ضيق الانفاس
ليت الامل يرجع معي مثل ماكان=واعيش في الدنيا مثل باقي الناس
لوعات وهموم وهواجيس واحزان=تاتيني همومي بلا حد واقياس
شفت القمر يمشي على صورة انسان=واخلف كياني وامتلك كل الاحساس
هز بشعوري له من الشوق وجدان=له في الحشا مرتع ومنزل ومجلاس
راعي الجديل المنتثر فوق الامتان=وعيون ظبي ٍ تسحر القلب نعاس
وجهه قمر خمسة عشر كل ما بان=من نور وجهه ينجلي ليل لغلاس
افرح لفرحه وازعل ان كان زعلان=وان غاب عني يدخل البال هوجاس
له في الحشا قدر ومعزه وله شان=حبه ملكني واشغل الفكر في الراس
لولاه ما حبيت وعشقت نجران=حبه مصبرني على الضيم والباس
ياليتنا نبقى ولايف وخلان=ما يعترضنا في الهوى شخص بلاس
نمشي على نور الامل قدر الامكان=والحزن لجل الحب يفنى وينداس
غالي وعندي ما يقدر بالاثمان=ترخص معه كل الجواهر والالماس


غــصــــــون الـجـــــــاش" للشاعر المخضرم:مهذل الصقور

أنــا مامعي من مرقد اللـيـل كون ادناش=سرى الله علي يوم العرب رقدوا مرّه
خفق طرف عيني ساعةٍ مامعي منهاش=و هـلّـيت دمـعٍ أحرق الخدّ من حرّه
هني اللذي ماسهر في حـروة الطـرّاش=ولاخيّـل البـراق من عالـي الحـرّه
ولاأمسى على راس الطويله بدون فراش=يحبس النسم من عيلة الراي ويجرّه
خذا الهـم من حالـي كثيـره ولا خـلاّش=سوى باقي إنسـانٍ عذاب الدهر ضرّه
ولي موطنٍ تخضّر بأرضه غصون الجاش=ولا أدري متى يسمح لي الوقت وأمرّه
وهو من مشينيقه ويشمل لقرن خباش=إلي العارض اللي من تحلاّه ماغرّه
إلي ثجر ويسند لهضب وسهل وعشاش=ربوع الشرا اللي عرد يام لها غرّه
ومنـها جنـوبٍ واديٍ بالنّخل مـدخـاش=الأوارك بجـالـه والجـوازي لها جـرّه
ياحي شوف الخور طاريٍ لها المغباش=على دمنةٍ من رايح الصيف مخضرّه
بعيـدٍ معـشّـاها وتـارد على الـدرّاش=على جال عدٍّ والعلق فوقه ايدرّه
يلاعب عصاه اللي لما جا نهار هواش=غدا في مناحيها ولا هاب يادرّه
من رجال يام هل الصمايل وجوخ الشاش=طوابيرهم تجلا صدى القلب وتسرّه
عمى كل دوله من زمان أبرهة الأحباش=ونجران واديهم ولعيونهم قرّه
سقـاه الكـريم بنـوّةٍ وبـلـها رشراش=يسبّح لها تسبيح ليقان في سرّه
إذا سال ماها فوق جذعٍ هشيمٍ عاش=وحسّ النّدى من تحت عوده قلع ذرّه
بليّاك يا نــجــران عمري هـدر وبـلاش=متى مركب البحار يرسي على برّه
توادعت منه موادع الطير من الأعشاش=توادعت منه وذا الموادع كفي شرّه
ألا ياعيوني ويش حدش وويش أزراش=ولا أنتي على كثر الحسايس بمضطرّه
ولا هي تضيق إلا على اللاش ولد اللاش=ومن راد حالي الوقت يصبر على مرّه
نعم..موطني تخضّر بأرضه غصون الجاش=ولا أدري متى يسمح لي الوقت وأمرّه
=========

مهذل الصقور




الناس لاموني وانا ماعلي لوم = في حب عمهوج من البيض عفـــرا
لو انها في مدة الفرس والروم = لعبت بقيصر وسهرت عين كســـرا
يلومني من لاجفا عينه النوم = من لايجاذب دمعته كل عصــــــــرا
ماهو مثلي من زمانين مضيوم = ليلآ صويب وليل من ضمن الاســــرا
اقرا مواضيع امس وكتب عن اليوم = وانحد نشدني قلت لاكتب ولا قــــرا
حب النقا راعيه بالصمت ملزوم = وان بحال الحب وخبـــــــــــاره ادرا
وجدي على اللي قربها غايتي دوم = اللي تلاوعني بصمت وهجـــــــــرا
الجادل اللي حبها سر مكتـوم = ورموز قصه واقعيه وذكـــــــــــــرا
في صمتها الراهب مواضيع وعلوم = تلهيك عن باقي المواضيع لاخـــرا
جمالها عند اجمل الخلق معـدوم = وموصفه شمسً على وصف بــدرا
مثل الهلال حجاجها كنه مرسـوم = والخد بدرآ ولجعد ليل غـــــــــــدرا
والعين بحر عازل قوم عن قـوم = لبسوا السواد ومحتضين للمســرا
وخاتم سليمان به الدر منضوم = والشفتين تقول وقاد جمـــــــــــرا
والعنق سلة هند في كف زيزوم = طلاب ثأرٍ صبح القوم فجــــــــــــــرا
وعقدآ تلامع به قناديل ونجوم = وتفاحتين في بساتين خضـــــــــرا
ملهوفة السرجوف والورك مزموم = كنه يعوذ من الجدايل ويبــــــــــــرا
والفخذ بغدادي على الوصف مبروم = تصفق عليه بكفها يوم تـــــــــــــزرا
والي حضابهايوصف من الجيش مهزوم = قفا وراياته من الدم حمـــــــــــــــرا
بلهون تتخطر على الدرب وتهوم = مغروره طفله ثمان وعشـــــــــــــرا
تقعد لها الدنيا على ساق وتقوم = وتميل معاها ميل شراب خمـــــــرا
تسبيك تستيسرك ترميك بسهوم = والجرح منها صايب ليس يبــــــــــرا
لو شافها الي لاصلاة ولاصوم = رتل عليها سورة الشمس جهــــــرا
هذا وانا هيمان هايم ومهموم = ولهان لاتصبر ولا اطيق صبــــــــــرا

==========

مهذل الصقــــــــــور ( الله يفك اسره )


قال المغني جلس في مكسر الفيه= ويجر قاف على زينات لألحاني
لا قال زله ولا اخطى في معانيه= كون يتشكى على ذربين لأيماني
يامن يبلغ مكاتيب الرياحيه =والا يسلم على ربعي وخلاني
تمسي بقطان وادي العرض ياميه= هم محزمي في نهار الشأن وكناني
هل ضمر قود تارد كل مطويه =تدعس بنادر عدن وتزلزل عماني
يالله طلبتك قنيف كل عصريه =يمطر على ارض النبي ويعل نجراني
يازين شوف النضا والقاع مسقيه= ترعى في اسفل ثجر لحدود همداني
الجد همدان والديره يمانيه= نجران ماهي ديرة كل نصراني
أمسيت والدمع زفاج مناشيه= والقلب هجاس بالقاصي وبالداني
شايب عربنا تهيضني طواريه= جعله بخير ولا يزرى على شأني
وشيبان يام العربضه هل الهيه= هم درع جنبي ودرع فوق لأمتاني
عزاز لأشوار ماهم بالهدانيه =ماهو يدير المحاضر كون شيباني
قد دلهم الليل وأمسينا خلاويه= وأشجنت بحبيبي والنوم ماجاني
سلام ياضامر السرجوف رديه= رديه من ضمير فيك ولهاني
منين ماجيت روحي فيك مبليه =تضوي عربكم وتمرح بين لأضعاني
واليوم ماعاد لي في مرقبي نيه =من بعد ماكسرت لأ يام جنحاني



===============

قصيدة/ علي بن صالح ال سكران الصقري

انـا مـليت مـن كثر العتب واللوم والتجريح = وانـا صابر على كثر العتب واللوم من مبطي
واذا كـانك تـبا الـفرقا فلا تكثر من التلميح=مـصير الوقت والايام تكشف لك عن المخطي
مـواعيد الـغرام اللي تلاشت في مهب الريح = وذكـرى حـبنا فـوق الـورق مكتوبه بخطي
عطيني لو سبب مقنع عن الفرقا مع التوضيح = وابا ادري وش بلا مركب غرامك تاه عن شطي
الا يـاطير يـا طـير الـهوى لا تكثر التلويح = تـسافر فـي سما حلمي ولا يطري لك تحطي
جروحي من لظا شمسك سواة الثلج يوم يسيح = على جمرة غضاك يفوح قلبي واحترق وسطي
اداري لـوعتي واكـتم همومي لابغيت اصيح = واشـاكي لوعتي لك يا قمر في صوت متوطي
انـا ما ابغى حدن يدري من العذال يوم اطيح = اجـاذب ونـتي فـي صمت دام الجرح متغطي
زمـان ٍ مـا يـقدرنا ولا يـستاهل الـتمديح = ولـيت الـوقت يـعطينا حبيبي كثر ما نعطي



وهذي بعض المقتطفات من شعراء من ال مهذل ولكن لاعرف اساميهم بالضبط واللي عنده قصائد لهم ايضا فلا يبخل علينا

قال ابن مهذل خاطره فيه هاجوس = ماجاه علوم من وطنا تشوقه
بعض الرخوم يزم نفسه عن الناس = والناس والله مادرو وين سوقه
ماكنه الا شايل رمح جساس = ولا عمامة سالم الزير فوقه
اذاتوطاه العدو قال لا باس = وعلى بني عمه تحنب عروقه
قليل الاصل لرياة العز نكاس = والعبد ليخاواه عمه يبوقه
واللي دخيل في العرب قال انالساس == في حكم ابونوره خيوله سبوقه
مايدري انا بالرجاجيل بخاس = ومن جا يبى يرقى علينا نعوقه


-==========


يقول أبن مهذل تماثيل وأبيات = يكتب معانيها ويرجى رددها
يوم العرب ممسين جريت ونات = والعين عافت نومها من نكدها
اشوف وقت صار فيه اختلافات=واشوف دنيا تتعب اللي طردها
اذكر محمد {ص} دايما كل الاوقات = اللي هدا الامة وبين رشدها

======
يقول أبن مهذل :-
يا الله ولا يخفاك حالي وما صار = مالي سوى رجواي عندك ذخيره
تنظر بعينك واحد حاله انهار = طال المرض به لين كمل كثيره
واشفق على عبد غريب ومحتار = في ديره لحاله وربعه بديره
في غربته عن ديرته نازح الدار = وربعه بعيد في جنوب الجزيره

====

يقول أبن مهذل :-

يا الله ياللي زين العرش بنجوم = ياجيد يعطي العطايا الكريمه
بدل ظلام الليل بشراقة اليوم = واكثر علينا من هبايب نسيمه
أنا أن تكدر خاطري ما علي لوم = بسبايب دنيا عاقبنها وخيمه
ان صحت ما حد عن صياحي بملزوم = والصمت من طبع الرجال الفهيمه

 

التوقيع

 

مادمت بين العذارى صرت معشوقي=ارحب علي الحرام انها من اعماقي
 
 
رد مع اقتباس