[الريمي 2009]

بسم الله الرحمن الرحيم السلام عليكم ورحمة الله وبركاته

هذه مصافحه أتمنى ان تحوز على رضاكم اخواني واخواتي اعضاء وضيوف المنتدى الاعزاء وهي ابيات للشاعر الكبير متعب التركي واللذي اتحف الساحه الشعريه بقصائده واللتي اشتهرت منها بعض الابيات وخصوصا في المسجات الغزليه فهو الشريان النابض للشعر الغزلي وهذه مقتطفات من بعض القصائد:

وش طرالك بعثت اليوم برساله===كم سنه وانت ماعبرت مرسالي
اصل الايام...... رحاله ونزاله====من شرب مرها يشتاق للحالي
بس الانسان مهما ضاقت احواله===الصبر زين والايام بقبالي
وش على الناس لو رجلي تعناله===ليه مايشره الغالي على الغالي
انشد اللي عرف زولك من ضلاله===بينهم بس زولك غير الازوالي
================================================== ===
احلى سنين العمر راحت هدايا===لك يامجازي بالردى راعي الطيب
لي في حياتك ذكريات وخفايا===تبقى ولو باكر غزا راسك الشيب
ولا الوفا ماله بقلبك بقايا===عند اللذي مثلك اظن الوفا عيب
================================================== ===
بالهون عطني لو دقايق بوادعك===خل الموادع برغبتي واختياري
مبطي وانا شايف جفاك وتسرعك===ياطول بالي يوم اشوف انتظاري
اتبع هواك وروح ماني بمانعك===دام انت عبد لكل نزوه وطاري
================================================== ===
لاتتعب اركابك شف اللي يريحك====ماتاقف الدنيا على فراق عشاق
حتى بوداعك ماقدرت اني اجرحك===رمح القوافي ماجرح بيض الاوراق
================================================== ====
متى ذكرتيني على شان تنسين====خليك مره صادقه وانصفيني
في وقت واحد تكرهين وتحبين===انا تعبت استحملك واعذريني
حبٍ سرق من عمري ايام وسنين===مثل الهوى مايمسكنه يديني
================================================== ====
ضحيت بالواقع على شان الاحلام===وضحيت بالغالي على شان غالي
حتى الغرام اللي كسر قلبي العام===ماني بحاله كان ماهو بحالي
ماينحسب عمر البنادم بالاعوام===بعض السنين نعيش فيها ليالي
================================================== =====
اتعب وغيري يجي ياخذعلى الراحه===من حظ غيري وانا اللي زارع وساقي
================================================== ===
احد يخون وواحد الوقت خانه====انا ترى الثاني والاول تراه انت
================================================== ==
ياليت مجروح الهوى جرحه يشاف====لقول قرَب من جروحك وشفها
=================================================
ماعاد لي قلب حتى ياخذه غيرك=====افنيت كل المشاعر يامعذبها
================================================== ====
لو كانت الغيبه مثل ماتصورت=====ماشلت همه يوم طول غيابه
================================================== ====
================================================== ====
================================================== ====
واسمحوا لنا على الاطاله واتمنى ان تحوز على اعجابكم..............