الشاعر الشيخ مناحي بن قنيفذ ال مخثله القحطاني
شاعر من الوزن الثقيل
لايقول ولا يعترف الا بالجزل من القصيد
اترككم مع احد قصائده
من سلاطين قحطان وخوالي روس يام
الفخر والمجد والطيب والساس العريب
تاج راسي يا خوالي رفيعين المقام
مزبن الخايف خوالي عمى عين الحريب
يام يام اللي يشرف نباها كل عام
وكل يوم وكل ليل عساها ما تغيب
شمس يام اهل الفعايل مقابيس الظلام
عزوةً وقفاتها تبري الجرح العطيب
ياسلاطين الرجاجيل في يوم الزحام
والله ان المدح فيكم ينومس ما يعيب
وانتو اهل المدح يا يام في حرب وسلام
عن مقابيس الوغى ويش اخلي ويش اجيب
العوايد يام والطيب والوقفات يام
والحمايا والمواجيب والسلم التعيب
والحسب واهل النسب يام والعليا ليام
يكفي ان يام العريبه مطوعت الصعيب
ويكفي انها العزوة اللي تظيم ولا تظام
وقفت الرجال من يام لي وقف ينيب
عن مية رجال وامجادهم شرق وشام
يشهد الله والملا من بعيد ومن قريب
وال فهادً خوالي وعد لكل يام
لي خوال ولي عواني ونا شاعر وديب
وراس قوم وافتخر في خوالي والعمام
والسلام وكل قوم لها بالطيب طيب