قناطير الذهب ..!
يسعد مسا اللي شوفها .. يسوى قناطير الذهب = ان جات .. وان ما جات .. تبقى لي هنا .. وابقى لها
مبطي .. وانا قلبي سوات النار .. وضلوعي حطب = حتى الهبوب البارده .. يمكن تزيد اشعالها
والله عطاني ما اتمنى في حياتي .. والسبب = بنتٍ .. ما قدّمت اغلا ما امْلك فالحياه .. الا لها
من وين ما ناظرت فيها .. قلت: لله العجب = احيان احس انها على وجه الثرى .. بلحالها
هي مصدر الهامي .. وسر هيامي .. وعز الطلب = شفني ما غير اموت منها [شوق] .. ثم احيا لها
كنّي الغريب اللي عقب ما شاف موته .. يقترب = لقى حياتها في ظفايرها .. وحبة خالها!