[راكان اليامي]

آه منك يازمان" فية نابتنا الليالي = وعرفتنا بالرجال أنذالها والطيبيني
كم عرفنا به رجال"بعرفهم نرقى العلالي = وكم عرفنا به فسول" في المراجل ناقصيني
الشلي كني بعرفة راقي في راس عالي = والردي لاني خدين" لة ولاهو لي خديني
الرجل معروف وعرفة بلا جيم وسؤالي = أعرف الطيب بدون أكلمة لمح" بعيني
والردي لو قالوا إنه ولد أبو زيد الهلالي = يعرف إنة لاش وآقرر علية إنة حصيني
الردي مايرفعة قولة ذا أبوي وذاك خالي = ولا ينال المرجلة من لا خذاها باليميني
الردي باشوم منة لو قريب" لي موالي = حالف" ما أعاشر الرديان والمولى ضميني
والقروم عرفهم بأشرية من غالي حلالي = ومن شرى عرف القروم فكاسب مال" ثميني
التجارة عرف قرم بكل حال" ما يبالي = ياخذ الجودة ويعطيها الرجال الغانميني
والتجارة عرف قرم وافي" في كل حالي = حاوي" كل المراجل طيب" من طيبيني
طيبة عند البعيد وعند من هو لة مصالي = فرخ حر" وماسك" عادة جدودة الأوليني
ذا كلام اللي ذرى المعروف في بعض الرجالي = ولا جحد معروفة إلا في الجدود القريبيني