::
لا تشتكـي مـن جـور الايـام للـنـاس
وادفن همومك في ثرى الصمت كله
اسرار عمرك خلهـا تحـت الأنفـاس
لا صــار هــرّاج القـفـا فـاطـنـٍ لـــه
هذاك يفرح لا لمس جرح الاحساس
و هــذا مـنـاه لا لـقـى فـيــك عـلــه
جـو الربيـع بعجـة الصيـف ينحـاس
لاجـت هـروج ٍ مـا تجـي فـي محلـه
داعب همـوم الليـل لا هـب نسنـاس
وعطها الخبـر مـن قلـب خـل ٍ لخلّـه
قلّـه حبيبـك مـا وطـى قلبـه الـيـاس
حـتـى عـذابـك بالـهـوا جـايـز ٍ لـــه
تعيش بالوجدان ما عـاش هالـراس
لـولاك قلـي وش انــا عـايـش ٍ لــه
إن زانـت الايـام يـا شــوق لابــاس
ولاّ صـبـرنـا لـيــن ربــــك يـحـلّــه
خالد الفيصل
ـــــــــــــــــــــــــــــــــــــ