مـا دريـت أنّ القلـوب العاشقـه حساسـه
لين مـن وثـقّ قيـادي حطّنـي فـي كمّـه
شالنـي والحـب ذعـذع وأحتمـى نسناسـه
والعهـد بينـي وبينـه مـا تبـور الـذمّـه
واحـد ٍ طـوّع عنـادي قبـل أليّـن باسـه
والـجـوارح كلّبـوهـا بوصلتـهـا يـمّـه
أتجمّـد فـوق صمتـه وأحتـرق بأنفـاسـه
وأتبخّـر مـن هيامـي وأنـثـره وألـمّـه
كل ما ابلـش فـي علـوم عيونـه النعّاسـه
أتغـزّل فيـه وأسـرق كلمتـه مـن فـمّـه
والكلام اللي في صدري لـو تـدقّ أجراسـه
حرف حرف أحسب حسابه قبل أجيب مطمّه !
أمتحنـيّ فـي غرامـه ميـر يسلـم راسـه
يكفـي أنّـا فـي المحبـه معتليـن القـمّـه
جلّ من خلاّه يفـرق عـن جميـع أجناسـه
ما يرجّـح ثقـل عقلـه غيـر خفّـة دمّـه
مـا تقـول إلاّ مدبّـس قلـبـي بكـراسـه
عقب ما سجـلّ عليـه ملاحظـات مهمّـه !
نية افراق
تسلمين على هذا الذوق قمه بصراحه
حبيت اخذ بيت او بيتين ولقية القصيده كلها تستحق الاشاده
جميل جدا ماقدمتي وهذا دليل على ذائقه فاااااااااااخره
دمتي بهذا التميز