مسائكم شعر
يقووووووول
انا هاضني قاف النشاما وهو محنج = على طرقهم بالقاف خذيت به جوغه
وانا لا أهتويت القاف لكان هو عفلنج = إطاوع لي العسرات وتهون مكدوغه
ألا حضر الهاجس غدى الصعب شربت منج = وهجوسي العسرات المحاريف داموغه
وهواجيس صدري في الضماير ماغير تنج = ونفسي على كثر الهواجيس مكنوغه
وكم في الحشا متفجرات من الهودرنج = ولو انه اتفجر دمر العالم بفوغه
ويالج صدري لج من رقاب العنج = على جال بير أقطعت كان نابوغه
ترازم على معطانها بالحنين أخلنج = وتعكل أصخاف الشول بالحوض وتثوغه
وأهلها غدو من لجت الطرش كنهم صنج = ولاحولهم عدٍ يعدون لفروغه
على لمي عيونه يصوب طلق لبرنج = ومن صوبه بطيح ماعاد له روغه
حديثه كما الشهد المصفا على اللوزنج = دُر الحص والألماس ماهي مملوغه
من شافه من الخفرات بطيح متشنج = والأخرى بقت كنها على الكبد ملدوغه
جماله طبيعي ماجعل بودرة مكينج = وعنقاء وطرقاء وطرت الوجه فدوغه
ولا خش ماكدونالدز أند برجر كينج =وذ شي أز نوت بوربورت شي أز نغنوغه
جديله كلير بلاك كالون جون كرنج = بمسك وريحان أدبغه كف دابوغه
على الأمر منه لصدر كنها مرمى كينج= وألا غيرها منه الطلبات ملدوغه
ويفداه من بالشرق واللي سكن لوسنج = لس وبوسطن وأيضا واشنطن وشيكوغه
يفداه من يسكن أوروبا ويسكن طنج = يفداله من الخفرات من كان فغفوغه
عزف بي غرامه عزف عازف على الكُومنج = مع فرقه في هوليود ألها غوغه
مقابل دقيقتها ملايين من الأشلنج = بشيكات من جعبة هل المال مزلوغه
عسى لايمي في حبها يدعسه موستنج = وثور الكلاش أنكوف وأطابق أصدوغه
جبرت الجمل لجل القوافي تجي أكسلنج = بدل قاف ودال وجيم جيت ليس ملثوغه
وأغني على أفقر قافيه بأي لون كنج = كم فنتاستك كوكتيل بالوزن مرصوغه
هذا هاجسي عسر القوافي زنجها زنج= وجارا بني حمد نون جيم اوغه
محمد بن غريب الفهادي