..
تقول عـَيونـَ الح ـَـَر !~ :
صبـآحكم / مسائكم
.. شِعُرٌ ..
نحن البَشَر .. نضعفُ بِـ لحظة أَلم .. ونقوى بِـ لحظة أمل..!
ومابين الإثنان (حدٌ فاصل) يتذبذب مابين دمعةٍ وإبتسامة..!
لانملك معه إلا (القناعة والرضا) بخُطى القَدَر .. في كل أَمْر..
مما راق لي واحببت ُ مشاركتم بهذه الرائعه
واتمنى أن تنال على الرضى والقبول
..
مايـرد النفس عـن درب السـخط غـير القناعـه
...........................و[الرضا حِكمـة] تـشدّ الـعزم بالـحـزن الثقيـل
مـالنا لاثـار مـوج الهــم وإشـتد إنـدفـاعـه
...........................غير دعوة رب هـذا المـوج و [ الخافـق ذليـل ]
نوب نضعف لا غـزانـا الهم وأتعـبنـا شِـراعه
...........................نفقد الحِـكمة و [ نبحر بالأسى ]مـن دون حيـل
ونوب تِفقِدنـا المصايـب مـن بلاويهـا الشجاعه
...........................ونوب [نخوات الشجاعـه] ترمـي الخافـق قتيـل
عايشيـن بطيـب عيـش ونشتكـي ظُلـم المجاعه
...........................في [مظاهرنـا سكـون] , وفي مخابـرنـا فتـيـل
نشتكـي ونقـول: جرح الوقـت يا كبـر إتسـاعه
...........................والحقـيقـه لاتمـايل هـالزمن [قـمنـا نـميـل ]
ماخذتنـا هالليـالـي بـين أيـاديـهـا بـضـاعه
...........................ليـن [ جيناهـا عــروض ]وسعـرنـا جداً قلـيل
إن وقفـنا ماوقفـنـاغـيـر فــي وجه الجمـاعه
...........................وإن جلسـنا ماجلسنا .. غير عن [ فـعل الجمـيل ]
وإن حكينـا ماحكيـنـا .. غـير بـفلان ومـتاعـه
...........................وإن سكتنا ماسكتنا .. غيـر عـن [ حـق ودليـل ]
تشتـكـي منّا أخـوّة .. أصبحـت وهـم , وإشاعـة
...........................ليـه خليتـوا [جروحـي] .. مـن فعايلكـم تسـيـل
وتشتكي منّا صداقـة .. أصبحـت زيـف وصِناعـة
...........................ليه وقفـات الصداقـة .. مالقـت فيكـم [ أصيـل ]
وتشتكي مـنّـا مـبادي مـالـقـت مـنّا شـفـاعة
...........................حقّـها مُجحف وفيـنا [ مالقيـت ] درب وسبيـل..!
هالزمن لـو مايطيعـك طاوعـه وإحــذر خـداعـه
...........................نوب [ تغرينـا ] مـلامـح , وسطهـا وجـه ٍبـديل
و الشقا وإن طال غيمـه .. تالـي الغيـم إنقشاعـه
...........................ماخـبرت الغيم يبقـى .. فـي سمانـا [لـو يخيـل]
و الوجـع موجـود طبّـه .. بـس يحتـاج لـمناعـه
...........................و [المنـاعه] حـزم قلب , وصـبر , مع قلب ٍ يشـيل
و الـزمن وإن زاد قسوة .. يبتسم لك لـو لـساعـه
...........................وإن تبسّـم لو لسـاعه إحـمـد [الــرب الجلـيـل]
إبتسامـة عقـب دمع ٍ ..حـرّق الجـفـن إلتيـاعـه
...........................خـير من دمــع ٍ [فقد ضحكات] من وقـت ٍ طويـل
بإختصار إرضـى بواقـع دنيتـك وإقبـل سماعـه
...........................و اقتـنع بأحكـام وقتــك لوغـدى [قلبـك عليـل]
..