اضع بين ايدكم قصيدة الشاعر البحر المبدع خالد الفيصل
من بادي الوقت
من بادي الوقت وهذا طبع iiالايامي
عذبات الايام مـا تمـدي لياليهـا
حلو الليالي توارى مثل الاحلامـي
مخطور عني عجاج الوقت iiيخفيها
أسري مع الهاجس اللي ما بعد نامي
واصور الماضي لنفسي iiواسليهـا
أخالف العمر أراجع سالف أعوامي
وانوخ ركاب فكري عنـد داعيهـا
تدفا على جال ضوه بارد عظامـي
والما يسـوق بمعاليقـي ويرويهـا
إلى صفالك زمانك عـل ياظامـي
اشرب قبل لايحوس الطين صافيها
الوقت لو زان لك ياصاح ما دامي
ياسرع ما تعترض دربك iiبلاويها
حتى وليفك ولو هيم بـك هيامـي
سيور الايام تجنـح بـه عواديهـا