قال ابن عزام:
بسم الله الوالي وبسمة ابتدي ,,, هو مهدي العالم لدرب مهتدي
جل وتعالى هو ذراي ومسندي ,,,من جاير الدنيا ومن طوفانها
من عقب هذا يالمرازيق ارحبوا ,,, اللي على كسب الطويلة قد ربوا
خيولكم فالحرب ماتعرف كبوا ,,,, تلعب على صوت الرمي كرعانها,,
إلى اخر القصيده
الرد:يالله عاوني على بدع الحلي ــــــــــ أمثال تطرب راعي البال الخلي
من طيبها صدر النشاما يمتلي ــــــــــ إمن الجزالة قوموا سيسانها
ياصاحبي ابشر بهم يوم الزحام ـــــ درعك وسيفك فيهم إبترقا السنام
والمعتدي ياصاحبي يذبح قوام ـــــ تقطع يمن(ن) طاولت من عانها
يوم العزاوي والطلايب والسند ــــــــ سوق البشارة وابشر بعز وسعد
خلفك جنود(ن) مايعددها عدد ـــــــ لاضاقت الديره على سكانها
برق السيوف بدمها مدعى الحرار ــــــ تاتيك طلابه على لون الحمار
ماطرحة من دون شيخه وانتصار ــــــ يشهد لكم بين العرب شيخانها
سلام ياربع(ن) لهم مجد(ن) عريق ــــــــ حتى الزمان اليا التفت فيكم يفيق
عسا الدهر فيكم موسع مايضيق ـــــــ لنكم جبال(ن) عانقت سحبانها
صغيركم لامن سرح معا الصغار ـــــــ وسوس هله مابين جية وانتظار
الله يستر لا يسبب له بثار ـــــــ أمه علية مولعة نيرانها
وختامها صلوا على خير البشرـــــــ اللي على الأمة شفيع(ن) فالحشر
هو طيب الأخلاق أبو وجه(ن) بشر ـــــــ يالله عسانا نجاوره فجنانها
,,,وسلامتكم,,,