[راعية اطيب قلب]

لاتحطني بـ راسك و لا احطك بـ راسي
رح قبل لا تشعل بـ صـدري .. لواهيبه


يا شاطر اصحى ولا تٌزود لي عـماسي
الراس يابس ... ولا دارت دواليبه


لو تنكسر شوكتك .. ما ينكسر باسي
جنّب ترى ابليس .. يروي لي ملاعيبه


مشكلتك .. انك على ( شعب الهوى ) قاسي
ومشكلتـي .. اني عنيد .. وكاره الطيبه


تراني حساس .. وانتا تـجرح احساسي
وجرح الاحاسيس عندي ... اكبر مصيبه


ان كان قصدك ,, تعلّق قلبي الراسي
كان غيرك اشطر .. وبدري شخص يوميبه


رح بلّغ اللي ... مسوّي حضرته ناسي
ان راح ( مايشوف شر ) وان جاء ( بهلي به )


اذا بيرضى علي . قله : عـلى راسي
واذا بيزعلعلي يزعل وش اسوي به؟؟


بدري عليه .. اعتذر له واحرق انفاسي
يبطي ونجوم السمـا .. اقرب مـطاليبه


عندي هموم ٍ .. تلهيني عـن انعـاسي
ماشلت هم (( الهوى / والشوق / والغيبه ))


وانتا يا شـاطر .. توكّل .. واترك احساسي
لعبة الأحاسيس .. فيها اغراء و مصيبه


لاتحاول انك تحدى و تاخذ قياسي
ما كل شي ٍ على بالك ... بتحريبه


اللّه يعينك ... اذا حطيتك بـراسي
لأني لا حطيت شي براسي ... اجيبه