اعجاب بالمبدع دوما .....
الشاعر عايض العجمي.....
لا جديد بحالتي غير هم / ودمع عين
ولا جديد بغربتي غير فقدان الأمان
ضاع حلم العاشق اللي (قضا عمره سجين)
ومات قلبه/ زاد نزفه / وضاق به المكان
فجّر الخافق ودكه صدى صوت الونين
الله اقوى وش بقى ؟ لا مكان ولا زمان
بعت قلبي يا (هوى البال) يا حلم السنين
ماني مصدق عيوني وقلبك كيف خان؟
كنت احسبك (فرحة العمر) فالوجه الحزين
وكنت احسبك ممتلي حب واشواق وحنان
وين قلبك / وين عشقك /وشوقك /والحنين؟
بهالسهوله هان قلبي وحبي كيف هان؟
انتهينا وانتهى الحب لو عذرك سمين
لو يزيد الجرح ابصبر وربي مستعان !!