[فلاح بن ملبز]

ياوجــودي ياهلي والله ان قد لي سنه=عايشٍ في غير وقتي وفي غير بلـدي
وياوجـودي وجد من طاول السقم بدنه=يرتجينـي كل ليله وانا وش في يـدي
الزمـان الشيـن والبعـد حاديني عنه=في مغيب اسهيل عني وانا عنه جـدي
وياوجودي وجد من عاش في غير وطنه=والدهـر والفقر والدين حادينه حـدي
عاش بين القوم والوقت حدّه وشطنه=والعرب مايرحمـونه وهـو حظه ردي
وياوجـودي وجـد من جاه علمٍ واذهنه=قالو افزع والحق اخوك قـدّام يغـدي
يـوم جـاهم ينقلـونه ودمـّه بكفنـه=قـال ياوجـدي وويلي وياقل اجهـدي
كن نحيـبه يـوم صلاّ صلاتـه وادفنه=شعف ليلٍ يقشع الحيد والعرق النـدي
صادني مـاصـاد قلبه وضامه واغبنه=من سبب قلّي وذلّي وضيمي ووحـدي
واحـدٍ مـالـه مـلاذٍ ليـا ضاق ازبنه=في شمـات اعـداه ذمّه وللذمّه فـدي
ولليـالي والسبـاع المويقـات اعدنـه=بالهمـوم ايقيـم وبقل توفيق ايعـدي
في رجالله اثم رجا الجاذي اللي له سنه=والاّ انـا لاذا زمـانـي ولا ذا ببلـدي

لـ شاعر / هادي الرزقي