يا رب جمّلني في عين الطّيبين=و اقِسم لي التوفيق و انت المستعان
الطّيب هو سيف الرجال الغانمين=و العلم هيبه و الجهل ذل و هوان
يا رب تجعلني من أطوال اليدين=لا بان ميقاف الشجاع امن الجبان
اضرب و ضربي فـ / الجزايل و السمين=من فوق هامات المعالي لي مكان
من لابت ٍ تاطا خشوم المعتدين=عجمان ربعي سِعد عيني فـ / الزمان
يا تاج راسي محزمي عُسر ٍ و لين=فزعاتكم ما تنحصى سرّ و بيان
اليوم ولاّ في قديمات السنين=بـ / الفعل خضّبنا مقاديم السنان
يشوش رأسي لا ذكرت الشامخين=اللّي لهم في داخلي عزّه و شان
أفخر بهم و آداحم بجنب ٍ متين=و خصِيمنا عَشره تعوّد له ثمان
مدحي لهم ماذم غير الناقصين=والله يجمّلني و هو المستعان
الله الله الله ,,
مجمّل فال يا عويضة ,,
و صح لسااانك و قلبك مليووون على الجزلة القصيرة ,,
تقبل مروري ,,
أستودعك الله ,,