لا والله إلا صار ماأرجيه عوقـي
غير الذي عـن طلبتـه ماتحـرج
يالله يامضوي السمـا بالبروقـي
ويامخرج وبل السحابة من اللـج
تمطرني برحمتك وتفـك عوقـي
وتجعلي من الضيقات والهم مخرج
أنا مثل حـرٍ تخاطـف سبوقـي
يد العمر والياس والحظ الاعـرج
كم غارة صاليـت وافتـك نوقـي
وكم طعنة عانيت من دون ماأحتج
وياما رفيت من الليالـي فتوقـي
وياما عطيت وللعطا كنت الاحوج
مرحوم يامن شيمته في عروقـي
دم وفي فكـري سجايـاه منهـج