السلام عليكم ورحمة الله وبركاته
هذه القصيده لشاعر منصور بن شعوان العتيبي المشهور ( منصور الغازي )
عبر فيها عن موقف الشيخ فهد بن قروش العجمي
عندما وصل اتصال على هاتف الشاعر من أحد المقربين لشيخ
وذكربأنه يدعوه ضيف ويهدي له مية متن من الابل
لتقدمه بخطبة رغد بنت صدام حسين 000 وقال فيها :
أمس العصر من دون موعد وترتيب = صليت فرضي والولي مستخيره
جاني على خطي رسول الاجانيب = يحملي اسم الشيخ واسم العشيره
فهد بن قروش بعثلك مناديب = شيخ من العجمان مطنوخ سيرة
يدعيك ضيفٍ مسندٍ للمعازيب = وأهداك من وافي قليله كثيره
مية متن من زين حرش العراقيب = مني لأبن شعوان محدٍ خشيره
قلت الضما مديون عند المشاريب = دام البقى لشيخ ويا بشيره
ذكره سما ماقيسه بالتجاريب = حبيت اقدي خطوتي بالبصيره
عديت مرقاب العلم للمراقيب = كم ليلةٍ فكر الفتى يستشيره
وناديت بسم الشيخ ابا السامع يجيب = ابي لأبو راكان نبذه قصيره
جاوب علي الذيب مع طاري الذيب = حتى الجمل خص الجمل في هديره
وعتيبة ابدة رايها فالها الطيب = في وادي العجمان سوو مسيره
قلت أحتزم ياهاجسي ضيفك الشيب = أبدع جزيل القاف لا تستعيره
بده لأبن قروش عطيب المضاريب = من خاطر اللي ما توانا ضميره
يامورد المكتوب ود المكاتيب = سلم على شيخ اليمين شطيره
قله بجيه ملبي الدعوه مجيب = ان قالها الله مجلسه بستديره
جيت عزيزٍ عند اعز بلا ريب = ماهمني جزل العطا دام خيره
حبة خشم شيخ الكرم والمواجيب = تسوى جميع اذواد بدو الجزيره
وسلامتكم