[بندر العجمي]

صكني راسي وعفت الزاد يوم إني دريت

في وفات الــقرم ذاك الــقرم فكاك العقد

=
ذاك والله هيف عمي تاج راسي لا بديت
راعي العليا اخو بدحة من تعزوابه وجد
=
أنت يا عون الضعيف وعوق منهو لا وطيت
رحت مــنا وكـــيف عنا ما بقا فـينا جهد
=
من حديث المصطفى ومن وسط طياته قريت
الحديث امن (الموطأ) والإمام إلي اعتمد
=
من مشي في حاجت المسلم وكم مرة مشيت
خـيرلك من مقـعد في بيـت ربك مجتهد
=
أنت غيرك لا هفا ترقا ولا منك رقيت
دايما طـلعك بعيــد وجـــل صيدك في هدد
=
والذي نفسي بدينة عند كلا لطريت
كني استرجع أحاديث الرسول اللي ورد
=
أنت والله يا عمود البيت ياعمي وفيت
يوم غيرك ما وفى وإلا أنت وافي في العهد
=
أنت يا ملجأ الضعيف أليا بكى جيتة بكيت
دمعـــتك إن شـــاء ربي تحشر بذاك اللحد
=
أنت يا بيت القصيدة والقصيدة فيك بيت
وأنــت جـــوهر مــاكتب فيها ولافيها لحد
=
أنت ذيب فالخلا عشتك يمناك وضريت
وماضريت إلا على خبطة يمينك فالشهد
=
أنت يا ريف الجماعة صيت طيب وطيب صيت
عشت فالدنيا مزارق طيب همك لا يالعمد
=
أنت عمي وأنت خالي وأنت جدي لاهفيت
جعل ذاك الزول يورد من اجنانن في رغد
=
جعل ربي يدخلك من كل بابن لابقيب
من ثـــمان أبـــوابها ذيــــك الجـنان بلا عدد
=
بالله إني طالبك فزعتك في عمي لبيت
بجـنة الـــفردوس ينـــــعم هــيف فكاك العقد

الله يرحمه ويبيحه ويحلله





وصح الله لسانك واحسن الله عزاكم ووجهك ابيض