[خالد وبس]

في خاطري شيّ مخبّا .. ومكشوف
ولا اعبر من المكشوف .. غير المخبا
×
كم كلمةٍ عيّت تزحزح .. من الجوف
واخاف اموت وعاد صدري .. معبّا
×
الحب لو انه ماغير .. (4) حروف
ونظره .. وغمزه .. وابتسامه .. ولبّا
×
ماني على بعض الغنادير .. مكلوف
اللي على الطاري .. تبين وتغبّا
×
اما اني اعشق صح .. مغرم وملهوف
والا بلاش من الخيال .. اتوبّا
×
(ف)يا جعل من غيّر حياتي .. وانا اشوف
أفداه .. وأفدى اهله .. وماما وببّا
×
ماهوب لا بيّن .. ولاهوب معروف
الا ان طعمه .. مثل طعم المربّا!؟