[شيخة الغلا]

وانا لو ضاقت انفاسي وشفت من الشقاء والجور
قسـم بالله مـا يومـن اغير منهـج اخـلاقـي
ولاياهاجسي عطني من احساسك غزيز شعـور
وعبر عن معاناتي وعبر عـن مـدى اشواقـي
عن اللي ما نسيته لو يغيـب ايـام ولا شهـور
ولو تاقف بي الدنيا هو اللـي ساكـن اعماقـي
عطيته قلب مايعـرف خـداع وكـذب ولا وزور
ونحت اسمه على صدري ودونته على اوراقـي
عشقته بكل ما فيني ولااذكر جاه منـي قصـور
ولو هوغاب عن شوفي اضيع وتمطـر احداقـي
والا شفته يصير العمر في عيني فرح وسـرور
واردد له هلا بـك ياغرامـي وسيـد عشاقـي
احبه لو يجافينـي ولـو طالـت علـي دهـور
حبيبي بهجة الدنيا ماغيره فـي البشـر لاقـي
ولو غيري خذا قلبه وعمّر فـي حشـاه قصـور
يروح ويبتعد عنـي وقلبـي بالوفـاء باقـي !!

الله الله صح لسانك وصح نقلك ياذوق أبيات قمه فالجمال والروعه لاهنت خلاوي