[مسعطر]

يا بنت يا اللّي تطوي الثوب الارداف=شــطَّ الحـوار ْبـ /در بكِـر ٍ يميحـه
في مرتع ٍ عشبه تغريف تغرياف=و أمّه هجل ما شمّلوها منيحة
و العنق عنق مذيّر ٍ عقب ما شاف=ْبـواردي ٍ لاقـف ٍ لـه ْبــ /ضيحـه
و العين عين موّحش الراس مشراف=يملا عيونـه بـ /الفجـوج الفسيحـة
يا بنت ما نرضى المهونة و الإظعاف=لنا على روس المشاريف صيحة
لا تنشدين ْعن المنازل و الاسلاف ..؟؟= يوم اذكر الماااااضي تهيج القريحة
فينا صفات الطَّيب يا بنت و أوصاف=ما تنطبـق فـي غيرنـا يا مليحـه
لنا مكان و دين و ْسلوم و أعراف = بين القبايل كاسبين المديحة
شيمة و قيمة بين معروف و إنصاف = تااريخنا يحكي لغتنا الفصيحة
ْدخلينا يرقد ورى الوجه ما خـاف=يامن و تحمـاه السلـوم الصريحـة
و ْنفوسنا دايم عفيفـات و ْنظـاف=و ابداننا من كـل علـَّه صحيحـة
صاحين ,, صافين المشاريب و أشراف=ما نـاكـل المتـرديـه و النطيـحـة
و صلبين في وقت الشدايد و عُـرّاف=منّا المشورة و إختيـار النصيحـة
و ان ثارت الهيجا لنا وسط و أطراف=وجه الحريـب نقنّعـه بـ /الفضيحـة
و أكرام لو يلحق ْبنا نقص و خِـلاف=نملا الصحـن و نلحّفـه بـ /الذبيحـة
يوم السنين الماضية حيل و ْعجاف=ينقر لنا من هبـّة الريـح ريحـه
و العيشة اللي تدبل الكبد تنعاف= النفس عن ما تكرهه مستريحه
دنياً تموج ولا رسمنا لها أهداف=ياما تحتها من فعول ٍ قبيحة
ْتجهّز الغازي و تسرع بـ /الإنكاف=ولا تنكف إلاّ بـ /الفلس و القميحة