على غِرار الحكمه اللي تقول .. ( من جدّ وَجد ) .. !! = ومن منطلق : تبقى .. ( الكبار كبار ) .. والأصلي فريد .. ؟؟
أبحث عن خويٍ .. يجمّلني .. ويبقا لي .. سند=واجحد تماثيل .. الرجال اللي .. يناسبها جحيد . !
اهل الحكي .. , واهل النميمه .. , والمكر .. , واهل الحسد .. ! = واهل الطعون الخافيه من خنجرٍ .. صنعه حديد .. !
الصاعد العالي ( نزل ) .. والنازل الواطي ( صعد ) .. !! = من بعد ما كنّا حرار .. اليوم أصبحنا عبيد .. !!!
بأشوم عن اهل الردى .. والنفس أعاهدها .. عهد ! =وشهو الذي بيضرّني .. لو عشت بالدنيا ( وحيد ) .. ؟؟
يالله عفوك .. يا كريم .. ويا معين .. ويا صمد .. ! =الإمّعه في ذا الزمن .. أصبح على غفله ... ( عقيد ) .. !
أشفق على اللي لا زهمته قال : .. ( أبشرررر بالسعد ) .. ! = واليا نخيته يعتزي .. ويصير لك عون وعضيد .. !
فيه الشكاله والمروّه مبطيٍٍ .. عاده ولد .. ! = كنّ المراجل وسط دمّه .. من وريد .. اليا وريد .. !
إي والله ان وقعه على صدري مثل .. وقع البرد=مطنوخ راسه بالمواقف .. حامي .. ورايه سديد .. !!
وعلى غِرار الحكمه اللي تقول ..( من جدّ وجد ) = اقولها والصوت عااالي يالردي .. فرقاااك عيد .!