هذه ِ القصيده في مناسبة ملتقى قبيلة يام السنوي في دولة الكويت في ضيافة الأستاذ علي بن فهد آل سالم العجمي
تغنى ياهجوسي والجهات اربع وطيري حام=على جزل المعاني لاهوى تدمي مخاليبه
مادرجها تجي وتروح .. حي الله على التمام=مثل منهو وقوفه لاحضر متساوي الغيبه
انا اللي موكب احساس ومشاعر لانطق ماصام=من اعماق الغياهب ياخذ المضمون ويجيبه
ماهو زود وغرور وغطرسه عن بايع وسوام=واكيد ان كل عد الناس ماتجهل مشاريبه
سـلام الله سـلامٍ مايخالـف مـلـةالإسلام=وفيـه من الوفاء والطيب والإخلاص تركيبه
سلام الله على اللي من مطاليع اليمن للشام= سـلام الله عـــليهم كل تشريقه وتغـريبه
سلام الله على اللي فعلهم كان وبعد قدام=على طول الزمن كانوا ومازالوا لهم هيبه
تاريخ ابطال ماتحصيه منشورة ورق واقلام=وسيرة مجد ومخلد وماتوفي مناديبه
هذي يام العريقه والأصيله والكبيره يام =اشعار الطيب(لهل)الطيب معهم بِألف ترحيبه
على عز ومعزة ملتقاهم من هذاك العام=تواصل والتواصل يعتبر محمود ياطيبه
جمعهم نادرٍ جعله يدوم وحاسده ينضام=ماهي منّه غريبه دوم فعل الطيب يحريبه
علي بن فهد ممدوح السجايا دايم ٍ مقدام=وفا .. في .. كل تقديمه وترحيبه وترتيبه
سند عون وذرى وقت الرضا .. والا الزعل لطام=أسد نمر وجمل حر ٍ مايخطي في مضاريبه
أصيل آصل من اطباق الذهب مع دورة الأيام=الا يامن جهل فيه أمس جاك اليوم تدريبه
وتمت والتحيه من هجوس الخالدي وختام=واكيد الضيف يذكر مايواجه من معازيبه