السلام عليكم ورحمة الله وبركاته..!
:
أترككم مع القصيدة..!
:
أقول فك الناقلة أنت ويّاه=شوفوا حركات الخوال نخبرها
ذي ناقلة من يرعب الليل طرياه=صقر العروبة وأشهد إنه فخرها
حليم لكن لو زعل خيرة الله=يا كم كبود ملوك ضاق وفطرها
أسيادكم عنده خدم تطلب رضاه=ما عاش من هو لهيبته يحتقرها
بأفريقيا ياما وياما وشفناه=دول عبث فيها غباكم .. عمرها
خيره غمركم بعد ربي ولو لاه=رحتوا ضحايا للمجاعة وأثرها
أرسل إغاثة تسبق البرق نفداه=من طيب راسه بالعطايا غمرها
هذا جزا المعروف للي عطاياه=لليوم وسط عروقكم تعتصرها
<ما هو ربع إنتاج يوم وخسرناه=الخير واجد بس ذي نعتبرها
خدش لكرامة شعب من هو تحداه=راحت عليه وما يكذّب خبرها
تبغون فدية بالملايين أجل .. هاه!=خمسة عشر مليون دولار أمرها
زعيمكم يا والله الثور وش جاه؟=لو قال باليورو ترى اليورو أرهى
وألحين فك الناقلة أنت ويّاه=ترى خرابيط الخوال نخبرها
:
الشاعر: محمد بن عويضة اليامي
:
