الله ولا الــهاجـس اللي مـايريـحنــــي
أسـهر عيـوني وعنــاني وعنيتـــــه
أحاول أخفيه مير الحزن يفضـــحني
متمركزا بالحشا كن الحشــا بيـتــــه
يلي تعاتب غموضي لا توضحنـــــي
مابقين بالـخفــوق الا تنـاهيــتـــــه
أصــافح الهم قبل أنه يصــافـحني
وحب خشمه وردد بالخفــا لـــــيته
ليته قبل لا تزل خطاي ينصــحنـــي
والا يريح خفوقي من عفـــاريتــــه
=====================================
غلطان يوم اني لرجواك طلاب
توني صحيت وكنت بالنوم غافي
توني عرفت انك على القلب لعاب
ودايم مع الأيام مقفي ولافي
====================================
لا يطول غيابك ثم اخذ عليه
لو تخليت عني عنك قلبي تخلى
العذر والتعلل والحكي ما نبيه
من تحرك فواده بالهوى ما تغلى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقى نحتريه
ما بي دموعك اللي عقب موتي تهلا
ما بقى بالعمر مقدار ما راح فيه
كل ما زل يوم يوم بالعمر ولى
ما يعرف الجمر مثل الذي يكتويه
احد يدفا بناره واحد فيه يتصلى
=================================
يا مداهيل الغياب ويـا السنيـن المجرهـده
حد علمي يوم اسولف للمساء والليل ساري
شي مخفي فا الضمير وشي فا الاعماق اعده
والوكاد اني على درب المواجع سرت ضاري
يا لطيف الحال فكري باح فا الايـام سـده
بين بياع السنين المقفيـات وبيـن شـاري
==============================
لو المسافة بيـن الأحبـاب تنقـاسكان القلوب تمـوت بيـن المسافـه
ماهي مسافة درب لا بالله إحسـاسشعور يسري فـا القلـوب وتخافـه
شعور ضاقت به مداهيـل الأنفـاسزفـره ترحبـه وزفــره تعـافـه
مسافةٍ تطوي غلا الناس فـا النـاسوتبعد ما بيـن قلوبهـا يـا حسافـه
هي لحضة الفرقى كما السم فا الكاسوهي دمعة المقفي بعيـن الضعافـه
وهي حسرة أعماق المشاعر بقرطاسنزف الحـروف الضاميـات بكثافـه
وهي سيل جارف ما يقـدر بمقيـاسأخـذت مجاريـح الهـوى بانجرافـه
يا كم بكت منها عيون وطوت نـاسخلف المواجع صـار يرثيـه قافـه
يطرد سراب الحب لا هـب نسنـاسزيفـه فـراش ومبهماتـه لحـافـه
ليل وبقايا دمـع وشعـور حّسـاسيبحر بها العاشـق قليـل الحصافـه
لو كان يدري ساري الحب مـا داسدرب الهوى اللي في مسيـره كلافـه
=================================================
امواج قلبي شيـدت الـف مينـا
لوان مالي بير بارضـك وميـاح
ما عاد تفرق هي لنـا او علينـا
البعد موجع .. واكثر القرب ذباح
================================================== =