[المطنوخة]

اعاهدك باللي خلقني وسواك
ويعاهدك قلب إذا غبت صانك

والله ما أرخصك ولا أفكر أنساك
وملعون قلبي كانه بيوم يهينك

لا ضاق صدرك وأزعجك جور دنياك
تلقاني أوفى من عرفت بزمانك

=============================





ما هقيت الشمس .. تبطي في الغياب
لين شفت النور عن عيني يغيب


مع غروب الشمس .. يا كثر العـــــذاب
والحزن ديره وقلـبي لـه طـبـيـب

========================================

بينك .. و بين المطر يا كبـر وجـه .. الشّبـه

كنه .. هطولك نهار أمطر وهـلّ .. السحـاب

شف .. رشّه يرشّ الارض و يغسل .. الأتربـه

وأنت .. إتغسلني من الأحـزان .. و الإكتئـاب

أظنّ .. مانيب مخطـي يـوم أشبّهـك .. بـه

حتّى .. البرد فيه من لون الثمـان .. العِـذاب

وأكبـر .. دليـل إن خـدّك دائمـاً .. يصحبـه

لا لاح .. برقه و همّال السّحـاب .. إستجـاب

هذا .. أنت وأقرب مثـال ٍ حـيّ .. تستوجبـه

ما قلته .. أستعرض أمامك بفـنّ .. الخطـاب

أمطرتني .. حب و أسقيت أرضـي .. المجدبـه

حتى .. امتلا خافقي و اخضرّ منـك .. الجنـاب

ناهيك .. عن صوتك اللي كـلّ .. مـا تسكبـه

يصبّ .. في اذني و ياخذني معـه .. بإنسيـاب

ما قد .. سمع منك في شيّ إسمـه .. الذبذبـه

ألاّ .. ليا ذبت مـن نـار المشاعـر .. و ذاب

يا كم .. نهمني و أنا غافـل و قـال .. انتبـه

الحب .. في ظاهره رحمه و بطنـه .. عـذاب

ماهوب .. عن علم بل من واقـع .. التجربـه

اللّي .. مضت لي معك و أصدرت فيها .. كتاب

و اقول .. ما شفت أجل وش صابني .. بسببـه

ما أومى .. على جارحه ما بان فيها .. الصواب

مير .. أشرب الصبر فوق الجرح .. و استعذبه

لعيونك .. السود لو الصبـر مـرّ .. الشـراب

لإنّـك .. اللـي عيونـه تصقـل .. الموهبـه

ولا تجد .. فـي صفاتـه كلّهـا .. مـا يعـاب

خذ .. كلّ ما أملك من كنوز المشاعر .. هبـه

بلا .. مقابل ولا أرجي مـن وراهـا .. ثـواب

إطلب .. و يفـدا عيونـك كـلّ .. مـا تطلبـه

لا يمنعك .. شيّ و عيونـك طلبهـا .. مجـاب

==============================================










آرجوك شفني من عنآ آلوقت ملتآع .*.*.*.

حتى آلصبر مآعآد لي فيه حيله


فيني هموم وحزن وطعون وآوجــآع.*.*.*.

وكل آلجهآت آلآربعه مســتحيله

================================================== ===





يشغلني الهاجس وإذا زاد التعـب بـي إسترحـت
ودي لذيـذ النـوم لا حـس بغرابيـلـي يــرق

أنا حزيـن أو إنـي أتضايـق إلا منـي سرحـت
أصك بابـي وأشغـل البـال بسواليـف الـورق

كنت أكتب شكثر البكى هاين علي من يوم رحـت
ومن التعب نامـت أحاسيسـي وصحاهـا الأرق

جالس أعـد بآخـر الأيـام كـم مـره إنجرحـت
وإذا عرفت .. أسأل ثمين الوقت كم منه إنسرق ؟؟

==============================================

ماعاد يرضيني وفى ولا يزعلنـي جفـى..

متساوي في خاطري ظلم العرب وانصافها..

ولا تاقف الدنيا على شمع الغرام اللي طفـى

بعض الشموع انا اتعمد كسرها واتلافهـا..

تعبت ادور فالقلوب البـارده ليلـة دفـى..

والقى استغلال النفوس وكذبها واجحافهـا..

حتى اقرب العالم لو يوقف معك وقفت وفى..

اصبر وتدري وش دوافع وقفته واهدافها...

=====================================

يا خيّي الفقر .. شيّب بي .. و أنا طفله ..!

وأنا غنيّه .. بـهالأحزان .. يا خيّـي ..!

لا أب ... لا أم .. لا طيرٍ .. أرفرف له ..!

الليل كاتم نهاري .. ولا أنكشـف ضيـي

تعبت أنا حزن .. و أتنفس . و أف أف له

و الأرضّ .... كنّه تباخل فـي خطاويـي

الجوع .. كافر .. و أنا أختك .. لأوقّف له

الله ورانا .. على الدعوات مـا يعيّـي ..!

============================================

عوّد وفي يدينه .. ورده وْحسن ظن!

قال ذيك العيون النّعس .. وشلونها ؟!!

============================================

ليتني يا صاحبي طفـلٍ صغيـر
كل ما ضاقت به الدنيـا .. بكـى

ما تطوله شرهة ٍ تاطـا الكبيـر
ولا يهمّه لو حكى به من حكـى

الصغير إذا إشتكى .. يبغى اليسير
والكبيـر الله يعينـك إذا إشتكـى

================================================