[سراب]

عندي لكم حلا لذيذ .. أخذته من النت
أول مرة سويتها بالضبط من النت .. وماعجبتني بصراحة
وثاني مرة غيرت فيها .. واطلعت أحلى بواجد

بعطيكم طريقتي

الـمـقــاديـــــر

شعيرية باكستانية
ظرف كريم كراميل
2 ظرف دريم ويب
بسكويت شاي .. أو أي بسكويت مايكون حالي
قشطه
علبه حليب مكثف = نستلة
4 حبات كيري
ملعقه زبده

الـطـــريــقـــــة

1
تسوين الكريم كراميل المعتاد

2
إخذي شعيرية باكستانية "كميتها كافية لتكوين طبقة"
واقليها بالزبدة لحد ماتصير لونها بني
لمن تخلص حطيها في صينية بايركس .. بحيث تكون طبقة " بس مو سميكة"

3
حطي فوقها طبقة من البسكويت

4
بعدها صبي الكريم الكراميل وهو سائل وساخن .. بحيث ما تغرقينه بس المهم يحوش البسكوت والشعيرية

5
بعدها طبقة ثانية من البسكويت ونفس الشي صبي الكريم الكراميل

6
أخلطي في الخلاطة
قشطه
2 ظرف دريم ويب
علبه حليب مكثف = نستلة
4 حبات كيري

نصيحة مجربة:
تقدرين تتحكمين
في حلا الخليط إذا أضفتي كيري زيادة
وفي كثافته إذا أضفتي قشطه
و زيادة حلاه إذا أضفتي النستلة

7
بعد خلط الخليط
صبيه في البايركس الذي يحوي البسكويت والشعيرية

8
طلعي الكراميل"البني" من علبة الكريم الكراميل
ووزعيه بشكل عشوائي

9
حطيه في الثلاجة حتى يتماسك
بعدها تقدرين تتلذذين فيه


أتمنى تعجبكم إن شاء الله
أنتظر أرائكم