[مسعطر]

اللعب والله فالعيينه لعبناه=يا للي معا نسوانكم تلعبوني
جمع اللعيبه فالملاقا تمثناه= و مشوكات ٍ يلهبنّ المتوني
يوم اعترض جمعه علينا دمرناه=ما عاد تنينا اللي بعيدن يجوني
لا زعزعوا ( مرزوق ) يوم المثاراه=ما عادهم للّي دعا يسمعوني
ليل ٍ عليهم من قبلنا ماحدن سوّاه=ليل ٍ تصاريفه على كل لوني
ان قلت : برّاق الحيا فكنّه إيّاه=مثل الرعد من راسيات المزوني
جوّ ٍ على الجدّان من جاه جيناه=ولا حصل للي قديم ٍ بهوني
نستاهل اللّي فالصياني مجفاه=غصب ٍ على اللي عندهم يرملوني
و العد لا جا المزاعم وردناه=غصب ٍ على اللي راضي ٍ بالسكوني
و العيّ ليا منّه بلانا بليناه =بشلف ٍ ضرايبها تفجّ الزغوني
لعيون وضحاً بأوّل الذود تبراه=هجاجة ٍ لا طرّقوا باللحوني
ننزلها من حيث توده و تشهاه=بعوالنا اللي ينزعون الديوني
و مهارنا للحرايب مغضاه=فدياره الأجناب ما يرتعوني
يا من يرد العلم للشيخ لا جاه=يا ويش عادهم من ورانا يبوني ..؟
عيالنا فرسان والخيل مطغاه=لاموا عليها بالنمش يلحقوني

الله الله الله الله الله ,,,



حسبي الله على عدوك يا قلب الأسد ,,,


راسي ما عاد آلحّق الدم فيه قام يطّبخ



شش يا راسي لعنبو عداك شش ,,




والله يرحم ابن شارده و يسكنه الجنة عزالله انه ذكر بني عمه و فخرهم بذا القصيدة ,,,



و انا اذكر منها بيت ولا ادري وش ترتيبه بالضبط

أحد ٍ شعفه الجن و أحد ٍ ذبحنااااااه= و أحد ٍ هلك بين ( الغضا ) و ( العيوني )

^
^
يقصد طقيق الربيع اللي وصلوا للحسا





صح لساااانك و بيض الله وجهك على ذا القصيدة اللي تشوّوّوّش بالراس ,,,



و القصيدة ترا فيها بعض الأخطاء ,,


تقبل مروري ,,
أستودعك الله ,,