ناحته وسط وجداني
يوم غيب سيد عمري وخلاني
مابقى في خافقي شي ٍيهمه
اجمع اوجاع الغلا وانثر احزاني
والجفون تعانق الديم وتلمه
ليت والله يوم بعد وخلاني
رد قلب ٍ بين اصابيعه وكمه
ان بغيت اغفى كرى الجفن ماجاني
وان نويت ابعد غدى الدرب واليمه
وان نظرت الناس شفته هو الداني
فـ الحشا واقصى شراييني تظمه
ولاذكرت انه هجر وابتعد ثاني
غبت واصحي فوقي الناس ملتمه
ايه احبه واعشقه زهرة ازماني
ولو جزاني ماكفاني ولو دمه
يكفي اني مخلده بعذب الحاني
بالشوارد قمة ٍ واعتلت قمه
ويكفي اني ناحته وسط وجداني
فـ الحنايا اللي وفته على الذمه
علموه ان هزه الشوق يبغاني
والله اني عند كلمات من فمه
سلطان فيحان الركيبي