[واصل بأذن الله]

هذه القصيده مهداه الى رجل المواقف الشهم الصيفي مبارك الصيفي

ياهاجسي مادام رد الوفا حان= جد لي بجودك من خيار التماثيل
نوادر ماهي تقدر بالاثمان=شرايد تكرم عن الزيف والميل
ماغر منتجها بحرها ولوزان=اوزانها وبحورها والتفاصيل
شاعر ومتحرص وملهم وفهمان=يضحك على صغار العقول المهابيل
يابو مبارك لشعر والله شفقان= ويشوقني طيب النبا والمخاييل
رمز الوفاء الصيفي ولطيب عنوان= ونجمه ظهر نوره على الجدي وسهيل
اللي بنا له ساس في المجد لا هان= يفدونه اهل الكبر والقال والقيل
شرفتنا يانسل ذربين ليمان= وزوت جرح اهل القلوب المغا ليل
انشهد إ نك فائز مانت خسران=وهذه الحقايق سجلت دون تضليل
قناعتك فيما حصل ياكحيلان= زود غلاكم في قلوب الرجاجيل
لنك حصان وما حصل كبوة حصان = وعساك تبقى والعوض في المقابيل
فعلك يابو منصور هو خير برهان= راعي جميل وجعلها لك تساهيل
تاقف مع ربعك لمنه بدا الشان= وتارد على من يزهمك وردت السيل
مثلك يشرف يام في كل ميدان= يام هل الوقفات والرمح والخيل
قلته وانا ادرا القول من كل نقصان=والمدح حق في الرجال المشاكيل
ومن يفعل المعروف يجزابالاحسان=ومن يزرعه يلقى الثمر في المحاصيل
مثلك يابو منصور ياطير حوران=يالي تمثل لابتك خير تمثيل
يفداك منه ليبدا الشان مابان= محواج زينات الحلا والخلاخيل
قلته ونا خالد ولو كان ما كان=ماخلفت ظن اهل السيوف المصاقيل
وابوي فعله عند زوغات الا ذهان= يلطم خشوم القوم ويذبح الحيل
وختامها يالله يا عالم الشان= تجعل لنا مع تحبه منازيل