[محمد نادر سويد]

السلام عليكم ورحمة الله وبركاته

اخواني واخواتي الاعزاء اضع بين ايديكم

قصيدتي المتواضعه عسى ان تقبلوها

بصدر رحب..

ابدي بذكر اللي علي منه الافضال = رب(ن) عظيم(ن) كلكم ترتجونه
مدبر(ن) الكون من حال لا حال = محيي هشيم يابسات غصونه
من عقبها بكتب بيوت على البال = لسلطان ابن سلمان ماتجهلونه
بيوت(ن) لبو راكان اخفاف(ن) ثقال = يالله عسى يبطي ولا يفقدونه
شيخ مجرب بيّن الفعل ..رجال = لاقام فعله كلهم يشكرونه
هو بالكرم والطيب يضرب به امثال = ربعه لصكات الزمن يذخرونه
حفيد شيخ لا اشتبك عج وقتال = قاموا مشاكيل العرب يزهمونه
سعد الضعيف اللي عليه الدهر مال = لاجا ودمعه غارق(ن) في عيونه
يصبح عليه من الليالي سعة بال = يسلا بدار اللي رما الروح دونه
في مجلسه تلقى للجواد مدهال = العود الازرق مايوقف دخونه
صفر الدلال اللي بها الكيف يجتال = ربعه على ضوه ولا يفختونه
نسل الحرار معرب الجد والخال = طوال الشوارب في اللّوازم يجونه
كريم نفس ولصعيبات حلاّل = سقم الحريب وصاحبه مايخونه
راسه يذرينا من البرد وظلال = لاأضفى علينا القيض حامي ردونه
مانيب مضيوم(ن) ولاقاصر(ن) مال=سلم العرب طيب العرب يذكرونه
صلاة ربي عد مابين إهلال=على النبي إعداد وابل مزونه

وسلامتكم