[العوووود]

السلام عليكم ورحمه الله وبركاته

قصيده اعجبتني واتمنا ان تنال على اعجابكم

يقولون الخوي رجل (ن) تجيه بساعه الشدات=وانا اقول الخوي رجل (ن) الى من ضاق ماجاني
لأنه خابر(ن) عسر القوافي يجبر الأبيات=لذلك يحسب حساب المعاني يوم ينخاني
خوي (ن) مادرى يسكت ويفهمها على ماجات=وخوي (ن) لودرى يمكن بيلعن جد شيطاني
وخوي (ن) شايف ويدري ولاهو مدور الزلات=وخوي (ن) مايبي يدري ولا أدري ليه عاداني
ويقولون الزمان اللي تغير ماهي العادات=وانا أقول الزمن هذا خذا ربعي وخلاني
مع اللذات بالدنيا تطبع حبهم للذات=تغير كل مفهوم الحياة لجيب ملياني
زمن يرفع ثمن حتى الكفن من كثرة الأموات=قريبن نسمع بموضة كفن للموت (00)
عشان آدم غلط يعني نتساهل بأكثر الغلطات=بدى يخطي البني آدم بحجة آدم الجاني
محد يذكر أحد بالخير غصب الآدمي لامات=تشوف الخلق يطرونه مع أنه مات وحداني
بعض هالناس ماتسمع طلال وماتجي حفلات=وبعد مامات كل (ن) قال ياخي كان فناني
أجل لومات (أبولفه)(عويد) راعي الكسرات=تصير الناس تتسمع (علام الواد جافاني)
زمان المهزله قلي وش مخبي لنا عاهات=دخيلك بس لايطلع بعد شارون (شي ثاني)

لـــ خلف المشعاااان