أسئلة الغالي / خالد وبس . . طبعا هذي اول مره اجي هنيّا .. حتى اني متلطّم وماغير اتلفّت والوّح بمسباحي !! ياحيــاتي يالمستحي دخلت صدفه على الموضوع عن طريق توقيع مسعطر .. لقيت فيه رابط وضغطته ولا حلمت ولا علمت .. الا انا بينكم بــارك الله في مسعطر اللي خلاك تجي هنا عموماً .. الف شكر يا مهرة النسيان على هذه الاستضافه المميزه لــ ضيفك المميز والاكثر من رائع .. صديقي / حــوران وأنا أيضـا ً أشكر الزعيـمه ,, اللي خلتـني أقابلكم .. وخصـوصا ً الغـالي خالد وبس اعترف اني دخلت المجالس بالصدفه وعن طريق القوقل واعجبني موضوع ( سجل حضورك ) وسجلت وانبهرت من الترفيه وانهبلت فيه وانا ما اعرف مخلوووق !! يشرفنـا والله تواجد اللي مثـلك .. انت مكسـب لكل منتدى .. وعلى ماقالوا: فيك شعرة محبه وكان / حــوران من بين الاسماء اللي دخلت قلبي بدون مقدمات واستئذان .. ابد ما شفته الا قدهو فاقصى القلب .. قلت ولد وش عندك هنيّا ؟ قال هذا مكاني ووالله ما اتعداه قلت وانا ناقصك ههههه كل ذالحكي عشـان الفكسار وصدقني إنـك من الأعضـاء اللي فرض إحتـرامه من أول مشاركه له .. وكسب قـلوب الجميـع وأولهم أنا .. وقلتها قبل وأكررها الحيـن : أنت مكسب ويشرفنا وجودك بيننا المهم :- ماطقيـنا إلا من المهم عندي كم سؤال لك عليها .. يعني اخذ وخل 1- وش السؤال اللي تمنيته يطرح عليك .. وماحدٍ وفّقه الله عليه والله ماعقب اسئلتهم تمني 2- وش علاقتك بالشعر ؟ ( شاعر -- والا متذوّق -- والا ماغير معرفة وجه ) أنا متذوق وصعب الذوق ولايعجبني كل شي , وانت شاعر وتعرف إن بعض المتذوقيـن يجيد الكتابه .. لكن أنا أميـل للنقد أكثر من الكتـابه .. حتى اللي أكتبها اتحفظ عليـها غالبا ً ولا أطلعها 3- كم عضو فالمنتدى يقرب لك ( يعني من اللابه ) مع ذكر الاسماء وصلة القرابه ؟ ربما يوجد أعضـاء من القريبيـن .. لكن ماأعرفهم بحكم الألقـاب اللي تخفي الهويه لكن القريبيـن المتواجديـن بشكل دائم 1_ مسعطر 2_ الرسـام 3_ قطنـان والثلاثه اللي ذكرتهم ينطبق عليهم قول الشيخ راكان (هذا ولد عم ٍ وهذا ولد خال) وهنـاك غيرهم لكن غير متواجدين بشكل دائم 4- علاقتك بالحب ( طرديه -- والا عكسيه ) وهل يوجد حب حقيقي .. والا ما غير طيش ؟ ياخوك انت وين تسلقطت على ذا السؤال ؟ بس بجاوبك انا ماوصلت لمرحلة (جبران خليل جبران) عشـان أصف لك علاقتي بالحب بس بتكلم عن الحب بشموليـه ووضوح وجوابه في بيـت لـ / عبدالله بن علوش حب اهلك ,, حب اوطنك ,, حب الاصحاب=ذولا لا قلت تحبهم .. فعلاً تحب 5- ماهي المنتديات الشعريه التي تحرص على تصفّحها ؟ أغلب متابعتي للمرقاب والنداوي .. وهنـاك منتديات متخصصه للشعر أيضـا ً لكن ليست بنفس المستوى 6- اذكر خمس شعراء تحرص على متابعتهم من خلال المنتديات ؟ أنا تعجبني دائما القصيـده أكثر من الشـاعر ولكن هنـاك شعراء أرتبطت اسمائهم بالجزاله وبذكر اللي طرا في بالي الحين 1_ سلـطان الهاجري 2_ آل علوش / عبدالله + سعد + محمد 3_ مبارك بن محمد بن عييّنان 4_ ضيـدان بن قضعـان 5_ سداح .. شاعر المرقاب 6_ مبارك آل خليـفه 7_ خالد الحصيّن القحطاني 8_ مستور المالكي 9_ متعب التركي 10_ ثامر شبيب 11_ محمد بن فطيس 12_ محمد المسعري الدوسري 13_ الشاعره / أبعاد التركي 7- لو كتبت فيك قصيده .. تعطيني فكسار ؟ المدح في الوجه مذمه عشان كذا لاتمدحني بقصيده ولا أمدحك بقصيده .. << طيب يمكن القصيده هجاء طيب ماينفع GX مع تحيات / خالد وبس ~*¤ô§ô¤*خــالد وبس *¤ô§ô¤*~ ونعم رائـع بـ أسئلتك وحضـورك وتواجـدك زادني فرحه ,, واستمتعت في الجواب على اسئلتك وجـودك هنـا نوّر المنتدى هذا ومنتـديات قصرانا بعد لاحرمنـا الله تواجدك يا > >
التوقيع