[الشيخه]

السلام عليكم ورحمة الله وبركاته


صباح الخير على الجميع



قصيده للشاعر فلاح العراك المطيري قالها عندما شاف له بنتٍ مزيونه عند البقاله
ووجه القصيده للشاعر صحن بن قويعان يشكي عليه.....


اترككم معها بامل ان تنال على اعجابكم .


يقول فلاح :

راكب اللي زاهيٍ لونـه مديلـه = واردٍ بأسم الوكيل من الوكالـه
جمس يقطع مجرهد القاع ويله = مشترينه نقـد ماهـو بالكفالـه
سايقه لو يسري بظلمه دليلـه = عارفٍ يمة جنوبه من شمالـه
نصه اللي عملته تبغي عميلـه = في جميع المملكه ماشٍ ريالـه
ياصحن من له رفيقٍ يشتكي له = والخبر واصلك في بطن الرساله
مل قلـبٍ فيـه دقـاتٍ تشيلـه = مثل دقت عود عبد الله فضالـه
من سبايب ورعةٍ جتني طويله = ياصحن وافقتها عنـد البقالـه
صوبت قلبي ولافي اليد حيلـه = والخطيه عندها مثـل الجمالـه
ان تبعناها مع الشارع فشيلـه = وان فعلنا فوقنا حكـم العدالـه

ورد الشاعر صحن بن قويعان:

مرحبا وعـداد ماتنشـي المخيلـه = وعـد همـالٍ تنثـر مـن خيالـه
يوم جانـي خـط كسـاب النفيلـه = كني اللي شايـفٍ غالـي اعيالـه
حاضرٍلرسالتـه لـو هـي ثقيلـه = مير صارت من فضل ربي سهالـه
ابو راجح عاشقٍ من غيـر جيلـه = جاه من رده علـى سـن الجهالـه
يافـلاح العشـق مايرحـم قتيلـه = واجد اللي منـه يشكـي ماجرالـه
انشد اللي شايـفٍ عدلـه وميلـه = قد عرف عدل الصحيح من العدالـه
وش تبي بالسوق يومنـك تجيلـه = من طمع بالبـوق لايامـن نكالـه
ولاتفيـدك فزعتـي بايـة وسيلـه = دام را عي المال ما ارخص حر ماله
لاتكاثر من خطاء شقـراء جديلـه = قبلـك الهـزان وقتـه ماصفـالـه
حولنـه بالركيـه طــول ليـلـه = وكل فرضٍ قام يطلـع مـن حبالـه
والهواء بلشاتـه اكثرمـن قبيلـه = من ضرب سوق الهواء يبلش بحاله
والهواء لي وقت انا داعي سبيلـه = معطي المطنوخ منـي لـه حوالـه
واحمد الله يوم جاء الهاتف حصيله = قد طويت ارشاي وادرجت المحالـه

تحياتى لكم


الشيـــــــــــخه