بدا الشامرى فى راس مطلول يابين الذيب=وجر اللحون الي من القلب مصدرها
الاحى حمام الورق والي تجيب اجيب=عيونى تهيض بازرق الدمع محجرها
عسى شيخنا اللى راح صوب العلاج يطيب=بجاه الذى ينها عبيده ويامرها
شيال الثقيله شبح عينه ماهو قريب=عيونه على ربعه وديرته عمرها
هدانى جليل الملك والراي صار مصيب=وجيبت الرجال اللي للعوانى تقدرها
الاد بن ضاعن مصدر الطيب والترحيب =لهم كل الشكر وكلمة الحق نشهرها
حرار تنومس بالهدد ماتبي تدريب=بني عمى اللي للمهمات ذاخرها
قراهم ظهور الحيل ويقدمون الطيب=الا يا بعد شيخ علاقته دمرها
اقصارالعمار الظن فيهم ياذيب يخيب=توهقت باسماها الكبيره وجواهرها
المرحوم بإذن الله
حسن بن حمد بن عوض الشامري