تخيّلتك على شاطى البحر ليلة قمر عشرين=نسيم الذكريات أومأ بقلبي وانتشاء عطره
وتهلهل لك تراحيب وفرح ما ضمّت القوسين=تراحيب الزهور الغافية بالليلة المطره
وكتبتك شطر بيتٍ كامناً بأقصى الضمير سنين=تهبّ النود له من كل صوب ولأكتمل شطره
توارى شطره الثاني يبين ويختفي ويبين=متى مدري متى وإلى متى مأنضم في سطره
يداعبني خيالك يا حبيبي كل حين وحين=وأنا داراً حقوله من سحابك ما لها قطره
تمنيني وتخلف نيّتك والحرّ وعده دين=وأنا عايش على الأحلام رغم الحالة الخطره
أقول ارحم محبّك لا تعذّبني كذا يا زين =تقول إلا كذا لولا كذا وش تعني البطره
وأقول الشعر لعيونك وللمبسم وللخدين =وأنا نشوان في عشق الجمال إلي على الفطره
ألا يا رحمت الله كلّ مألقا الرمش سحر العين =مكاحيلاً تجي منها سهوم الموت مقتطره
إلى لدّت لي النظرات ضاع الجيم ضاع السين=أجل وشلون لو رمح المحبّة ماخذاً وطره