على البحر وقفت ! وقت الغروبي ؟
((قصيده أعجبتني))
على البحر وقفت وقت الغروبـي ** بارضن خلى ما حولي الا الغرانيق
هب النسيم وقـام يلعـب بثوبـي ** مااحلا هبوب النود للخاطرالضيق
نسيـم يفتـح للمولـع دروبـي ** لاهل الهوى والحب يفتح طواريق
بغيت اوسع خاطري واحضبوبـي ** ربعٍ يفكـون القلـوب المغاليـق
تواردو مع كل فجٍ وصوبـي ** والكل منهم دقق القـول تدقيـق
احدن يقول الحب نـارٍ شبوبـي ** نارٍ سناها يحرق القلب تحريـق
واحدن يقول الحب سلوى القلوبي ** وما يعشق الخفرات كود المطاليق
واحدن يقول ان طعت شوري تتوبي ** وتعيش في دنياك بين المخاليـق
واحدن يذكرنـي بـذاك العجوبـي ** الصاحب اللي فتق القلـب تفتيـق
لامن ذكرته قمت احسب ذنوبـي ** متحملٍ بالحيل حملٍ فـلا اطيـق
لولا الحيا والخوف وادرى العيوبي ** واخاف من هرج الخبول المطافيق
والله لاوقف لـه بكـل الدروبـي ** واجيه لو في حزة الكره والضيـق
الشاعر مشعان الطنباوي السبيعي رحمه الله
تقبلوا مني التقدير والاحترام
التعديل الأخير تم بواسطة : فهد الذويب بتاريخ 29-01-2008 الساعة 11:38 PM.
السبب: الالوان وبعض الاخطاء الاملائية
|