[سهيل..؟؟]

[I]قصيده من اروع ماقيل من الجمس ..

وهي للشاعر / مــحــمــد بـن هــويــج بـن عــلــي آل فــطيــح ..

وقد نشرت هذه القصيده في شريط خرج مؤخر وهو شريط G M C ..

وكانت قافيه القصيده من اروع القوافي اللتي ميزت القصيده ..

وجودي يابو مشعل على وارد الطرطوس=ابوتندة بيضاء على شكل طرطوسه
ابا لانهمته ليله يبعد الهاجوس=عن القلب لايقضي على القلب هاجوسه
( ليا ) زل ثلث الليل والقلب فيه حسوس=نهمته .. وقلبي كاثرات به حسوسه
جديد المديل وسايقه يكسب الناموس=ليا جاء له مجال يرفع الراس ناموسه
ورد من امريكا جمس ماوردته الروس=على الفحص مايحتاج يكشف على روسه
ليا دق سلفه زود القلب دق جروس= ولو طفي سلفه ماطفى القلب وجروسه
ولا شلّ عزمه وانتهض والثنين نكوس=على شف بالي يوم الاثنين منكوسه
امد القدم للبنص وان زدته له في الدوس= يجيب اخر الطبلون عند اول الدوسه
يشكل سحاب في السماء والنظر معكوس=ليا افتر ويله والمرايات معكوسه
واكيّف عليه اليا انحني الخط .. مثل القوس =وانا كل خط منحني .. عار ف قوسه
صناعه خواجه حط للقير خمس تروس=ليا خمّه السواق ماصرّت تروسه
وله مركب سعد لمن عد فيه فلوس=ومركبه مايحصل لمن شح .. بفلوسه
كما قال ابو سلطان قال الجموس جموس=على الدور الأول ياطأ الاخطار بجموسه
خطوطه على قطع الخرايم جدد ودروس=ولايمشي الا خطة الفكر مدروسه
وانا كأن قلبي فوق جمر الغضاء محموس=وكبدي بمحماس على النار محموسه
على أدعج غنج .. وأهيف حشاء زاهي الملبوس=حسِين الوصوف اللي زهاء حسن ملبوسه

[/poem]